Në të gjithë vendin reshjet e dëborës dhe temperaturat poshtë zeros kanë shkaktuar vështirësi sidomos në qarkullimin e automjeteve.
 
Në veri vazhdojnë që të jenë të bllokuar disa zona në Shkodër, Kukës dhe Dibër. Pas dëborës i gjithë vendi është përfshirë nga ngricat dhe temperaturat e ulëta.
 
Në Kukës ka pasur edhe disa raste urgjencash. Nga fshati Kryemadh i Malziut u transportua një i sëmurë, por gjatë rrugës pati vështirësi për shkak të bllokimit të ambulancës në afërsi të fshatit, por u hap pas ndërhyrjes së mjeteve.
 
Në fshatin Pistë u transportua për në spital një vajzë 17 vjece me vështirësi pas hapjen së rrugës.
 
Nga Surroj një grua është transportuar me varkë nga liqeni i Kukësit deri në Bushat ku e priste ambulanca për ta dërguar në spitalin e Kukësit.
 
Po dje, është transportuar drejt spitalit të Kukësit një i sëmurë nga fshati Shkinak i Grykecajes me mjete te Njesise Administrative te Grykecajes.
 
Përsa i për rrugëve, sipas ARRSH akset kombëtare janë të kalueshëm, ndërsa ruralet kanë vështirësi.
 
Ndërkohë vazhdon shpërndarja e ndihma për familjet e bllokuara. Një helikopter i Ministrisë së Mbrojtjes pritet të dërgoj ndihma ushqimore në Bashkinë Tropojë, në fshatin Tërnovë e Vogël, Njësia Administrative Zerqan Bashkia Bulqizë dhe në Njësinë Administrative Bregu i Lumit.

bora kukes

Rrugët e bllokuara nga dëbora
Aksi rrugor Peshkopi-Lurë vazhdon të jetë i bllokuar.
 
E bllokuar është rruga Burrel-Selishtë. Për hapjen e saj po punohet me 1 fadromë.
 
Akset rrugore Shkodër-Qafë Thore-Theth, Shkodër- Bregu Lumit, Bardhet-Iballë dhe Bogë-Qafë Thore janë të bllokuara.
 
Akset rrugore Bulshar-Nënshejt-Lajthizë dhe Reps-Gurth-Spaç janë të bllokuara.


Ora 11:53 Taulant Balla: Rruga Cërrik-Gramsh është e bllokuar
Rruga Cërrik-Gramsh është e bllokuar pas reshjeve të dëborës. Deputeti i PS, Taulant Balla kërkon që të merren masa për zhbllokimin e rrugës, pasi prej mesnatës është e bllokuar.
 
"ARRSH dhe Devolli Hidropoëer te marrin masa për zhbllokimin e rrugës. Prej mesnatës rruga është e bllokuar. Kush e ka përgjegjësinë ta zgjidhi nesër, sot hapim rrugë" deklaron Balla.  

Ora 11:10 EC: SITUATA DHE MASAT - ora 10:00 - 12 JANAR
QARKU KUKËS
Të gjitha akset rrugore nacionale janë të qarkullueshme pjesërisht me zinxhirë.
 
Rruga e Kombit është e qarkullueshme pa zinxhirë por në segmente të caktuara duhet të bëhet kujdes si pasojë e ngricave. Po punohet me 4 mjete borëpastruese për pastrimin e saj nga bora dhe akulli. Policia Rrugore po monitoron qarkullimin e automjeteve.
 
Akset Kukës- Has-Tropojë dhe Tropojë-Qafë Morinë, Bajram Curri-Valbonë dhe Fushë Dukagjin-Qafë Shllak qarkullimi kryhet pjesërisht me zinxhirë ndërsa në aksin rrugor Ura e Zapodit- Shishtavec përdorimi i zinxhirëve është i detyrueshëm.
 
Një helikopter i Ministrisë së Mbrojtjes pritet të dërgoj ndihma ushqimore në Bashkinë Tropojë gjatë ditës.
 
QARKU DIBËR
Aksi rrugor Peshkopi-Lurë vazhdon të jetë i bllokuar. Po punohet me 2 fadroma për hapjen e tij.
 
Aksi rrugor kombëtar, Qafë Bualli-Peshkopi, qarkullimi kryhet pjesërisht me zinxhirë. Policia po mban në monitorim këtë aks rrugor. Po punojnë 1 borëpastruese dhe 2 fadroma për mbajtjen të hapur këtë aks rrugor.
 
Të qarkullueshme me zinxhirë janë akset rrugore Peshkopi-Kala e Dodës, Ura e Çerenecit-Steblevë dhe Peshkopi-Kala e Dodës ndërsa e bllokuar është rruga Burrel-Selishtë. Për hapjen e saj po punohet me 1 fadromë.
 
Një helikopter i Ministrisë së Mbrojtjes pritet të dërgoj ndihma në fshatin Tërnovë e Vogël, Njësia Administrative Zerqan Bashkia Bulqizë
 
QARKU SHKODËR
Akset rrugore Shkodër-Qafë Thore-Theth, Shkodër- Bregu Lumit, Bardhet-Iballë dhe Bogë-Qafë Thore janë të bllokuara. Po punohet për hapjen e tyre por ka vështirësi për shkak të ngricave.
 
Akset rrugore Qaf Mali-Fierzë, Fush Arrëz-Qafë Shllak dhe Qafë Çelë-Pukë-Fushë Arrës janë të qarkullueshme me zinxhirë.
 
Gjatë ditës së sotme një helikopter i Ministrisë së Mbrojtjes pritet të dërgoj ndihma në Njësinë Administrative Bregu i Lumit.
 
QARKU LEZHË
Aksi rrugor Kurbnesh-Lurë është i qarkullueshëm me zinxhirë.
 
Akset rrugore Bulshar-Nënshejt-Lajthizë dhe Reps-Gurth-Spaç janë të bllokuara.
 
QARKU TIRANË
Si rezultat i reshjeve të borës gjatë natë ka pasur probleme në qarkullimin e automjeteve në disa akse rrugore si autostradën Tiranë-Durrës, autostradën Durrës-Kavajë dhe aksin rrugor Tiranë-Dajt.
 
Policia Rrugore ka monitoruar situatën dhe në disa zona ka bllokuar përkohësisht qarkullimin e automjeteve. Forcat dhe mjetet e bashkisë Tiranë kanë punuar me pastrimin e rrugëve dhe hedhjen e skorjeve në zonat problematike.
 
QARKU ELBASAN
Aksi rrugor Librazhd-Stëblevë është i kalueshëm me zinxhirë.
 
Të gjitha akset e tjera rrugore janë të kalueshme pa probleme.
 
QARKU KORÇË
Akset rrugore Ersekë-Leskovik-Çarshovë Korçë-Voskopojë dhe Korçë-Dardhë janë të qarkullueshme me zinxhirë.
 
Firmat kontraktore po punojnë me mjete dhe forca për të mbajtur të hapur të gjitha akset rrugore.
 
QARKU VLORË
Në Qafën e Muzinës qarkullimi i mjeteve kryhet pjesërisht me zinxhirë ndërsa firmat kontraktore janë në gatishmëri me mjete për çdo situatë.
 
Në Qafën e Llogarasë qarkullimi i mjeteve kryhet pa zinxhirë por në pjesë të veçanta do kujdes nga drejtuesit e automjeteve sepse ka prezencë ngricash.
 
Policia Rrugore po monitoron kalimin e automjeteve në këto segmente rrugore.
 
QARKU GJIROKASTËR
Të gjitha akset rrugore janë të qarkullueshme pa zinxhirë me përjashtim të aksit rrugor Përmet-Çarshovë.
 
Akset rrugore që të çojnë në zonat rurale janë të kalueshme pjesërisht me zinxhirë.
 
QARKU BERAT
Aksi rrugor Potom-Skrapar i kalueshëm me zinxhirë
 
Ne qarqet e tjera nuk raportohet per probleme

Ora 10:00Situata në Kukës
Ne Kukes situata eshte drejt permiresimit. Ndonese ne oret e mbremjes kane rinisur reshjet e debores, pjesa me e madhe e rrugeve jane te qarkullueshme.
 
Situata e rrugeve eshte si me poshte: Ne Njesine Administrative Kolsh jane hapur te gjitha akset rrugore.
 
Ne Njesine Adminisrative Malzi vijon puna per hapjen e rruges ne Piste. Akset e tjera jane te qarkullueshme.
 
Ne Njesine Administrative Kalis deri ne qender te njesise rruga eshte e qarkullueshme.
 
Ne Njesine Administrative Grykecaje vijon puna nga Fshati ne Shkinak e me pas drejt Cajes.
 
Ne Njesine Administrative Bicaj jane hapur te gjitha rruget, perfshire edhe fshatrat Mhole e Gabrice.
 
Ne Njesine Administrative Ujmisht eshte hapur nga rruga nacionale deri ne Malqene.
 
Ne Njesine Adminsitrative Surroj jane hapur te gjitha akset rrugore, perjashtuar lagjen Aliaj.
 
Ne Njesine Adminsitrative Shtiqen jane hapur te gjitha akset rrugore.
 
Ne Njesine Administrative Terthore jane te hapura te gjitha akset rrugore.
 
Ne Njesine Administrative Zapod sot eshte hapur edhe segmenti Pakisht- Zapod-Orcikel, per te zbritur tek Ura e Koloshit.
 
Ne Njesine Administrative Topojan mbeten te bllokuar fshatrat Xhaferaj, Breki, Turaj e Nimce.
 
Ne Njesine Administrative Shishtavec neser do te nise puna per fshatrat Cernaleve, Oreshke, Kollovoz e Shtreze.
 
Dje pasdite u hap rruga Restelice-Borje, fale bashkepunimit me autoritetet kosovare qe u konkretizuan pas bisedave te Kryetarit te Bashkise, Bashkim Shehu dhe Ambasadorit te Shqiperise ne Kosove, Qemal Minxhozi.
 
Sot do te behet e mundur edhe hapja e rruges qe lidh Shishtavecin me piken kufitare te Dragashit.
 
Njesia Administrative Arren mbetet e bllokuar. Ne 24 oret e fundit kemi patur keto raste urgjencash shendetesore:
 
Ne fshatin Kryemadh te Malziut u be e mundur transporti i nje te semuri. Gjate transportit pati veshtiresi per shkak te bllokimit te ambulances ne afersi te fshatit. U desh nderhyrje me mjete te kalueshmerise se larte per te terhequr ambulancen deri ne rrugen nacionale te asfaltuar.
 
Ne fshatin Piste u transportua per ne spital nje vajze 17 vjece. Per shkak te veshtiresise se rruges, kamioni i bashkise IVEKO me dy akse, i kalueshmerise se larte, i mbeshtetur dhe nga dy fadroma, bene te mundur transportin e te semures deri ne fshatin Vrish, ku e priste ambulanca e spitalit te Kukesit se bashku me personelin mjekesor. Nga Surroj nje grua eshte transportuar me varke nga liqeni i Kukesit deri ne Bushat ku e priste ambulanca per ta derguar ne spitalin e Kukesit.
 
Po dje, eshte transportuar drejt spitalit te Kukesit nje i semure nga fshati Shkinak i Grykecajes me mjete te Njesise Administrative te Grykecajes. Furnizimi me uje te pijshem vijon te jete normal.
 
Drejtoria e Ujesjellesit eshte ne gadishmeri te plote dhe ekipet e avarise te kesaj drejtorie prej dy ditesh jane ne terren per te shkrire tubacionet e ngrira e per te siguruar furnizim te rregullt per qytetaret.

Situata në Fier!
Shërbimet e Policisë së Qarkut Fier në bashkëpunin me emergjencat civile dhe pushtetin vendor janë të angazhuara për sigurimin e lëvizjeve të mjeteve si pasojë e vështirsive të krijuara nga rënia e dëborës dhe prania e ngricave në rrugë.
 
Si pasojë e temperaturave të ulëta njoftojmë se disa akse rrugore dhe zona të caktuara si më poshtë ka prezencë të borës dhe akullit në rrugë, më konkretisht:
 
• Aksi rrugor Fier-Ballsh, ka prani të dëborës dhe kalohet vetëm me zinxhirë.
• Aksi rrugor Fier-Tepelenë ka prani të borës dhe akullit dhe duhet të përdoren zinxhirët.
• Aksi rrugor Çermë-Lushnje-Fier, është i hapur por ka prani të ngricës në asfalt.
• Aksi Fier-Vlorë dhe Lushnje-Berat ka prani të akullit dhe këshillohet të ecet me shpejtësi të ulët në këto akse.
 
Shërbimet e Policisë janë në gadishmëri, ku po monitorojnë lëvizjen e automjeteve duke ju ardhur në ndihmë drejtuesve të automjeteve dhe qytetarëve që kanë nevojë për ndihmë.

Ora 09:30 Situata sipas ARRSH