POP 5

Lajmet më të lexuara të 5 minutave të fundit

Sociale

Bllokohen ndërtimet në Shëngjin gjatë sezonit, kryebashkikaku Ndreu: Nga 1 qershori s'do lëvizë asnjë betoniere! Ndërtuesit kundër: Vendosni orare, jo bllokim total

Gjatë sezonit të verës do të bllokohet puna e sektorit të ndërtimit në zonën turistike të Shëngjinit. Paralajmërimi është dhënë nga kryebashkiaku Pjerin Ndreu i cili tha se nuk do të lëvizë asnjë betoniere nga qershori deri në shtator. Bllokimi i punës u kundërshtua nga kreu i Dhomës së Tregtisë, Palokaj.

Puna për ndërtimin e pallateve, resorteve dhe çdo lloj aktiviteti në fushën e ndërtimit do të bllokohet përgjatë 4 muajve, nga qershori deri në shtator, në gjithë zonën turistike të Shëngjinit.

Kryebashkiaku i Lezhës, Pjerin Ndreu, gjatë një takimi që zhvilloi me bizneset u shpreh se nuk do të lejohet asnjë betoniere që të hyjë në Shëngjin nis nga data 1 qershor.

“Ndërtuesit tani t'i japin zjarr se më 1 qershor s'do hyjë asnjë betoniere në Shëngjin”, tha Ndreu.

Kreu i Dhomës së Tregtisë për Lezhën, Pashk Palokaj kundërshtoi Ndreun, duke deklaruar se nuk mund të bllokohet puna në sektorin e ndërtimit, i cili është kontributori më i madh i të ardhurave.

"S'mund të bllokohet puna! Qershori duhet të jetë me orar të kufizuar në mëngjes dhe darkë, por jo bllokim total se ndërtimi është kontribuesi më i madh sa i përket të ardhurave, më shumë se turizmi e të gjithë sektorët. Ata që kanë hoteleri kanë dhe ndërtime, e kanë biznesin e gërshetuar", u shpreh Palokaj.

 Ndreu foli dhe për ndërtimet pa leje dhe ndotjen nga inertet, duke paralajmëruar gjoba dhe burg për ata që vendosin qoftë një tullë pa leje.

“Do të ushtrojmë kontroll tek të gjitha kompanitë e ndërtimit. Duhet ta kenë ndërtimin të rrethuar me llamarinë dhe s'dua inerte gjatë sezonit të plazhit. Tani do të prokurojmë tenderin për kamerat e sigurisë dhe gjithë territorin do ta monitorojmë me kamera. Ka vatra që mezi i vëmë para, mos gabojë kush të vendosë një tullë të paligjshme, boll më. Nuk jam i varur prej askujt dhe s'dua t'ia di, do ju çoj policinë aty dhe mos më thoni që s'ju kam thënë”, vijoi kryebashkiaku.

Masat shtrënguese ndaj bizneseve të ndërtimit vijnë në kuadër të përgatitjeve për sezonin turistik. Çdo vit Lezha pret qindra mijëra turistë në plazhe dhe monumentet e trashëgimisë kulturore.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • alfredi: 24/02/2022 22:26

    Shume dakort per keto masa dhe te pergëzoj për guximin e marrë si bashki në lidhje me sezonin e ri turistk ,por kam nje merak dhe sugjerim ne lidhje me hapesiren publike te çfrytezimit të plazhit .Si mundet që vitet e tjera nuk gjeje qoftë edhe nje HAPËSIRË TË VOGËL në pjesën e plazhit të pambuluar me çadra dhe shezlone por të ndare me gardhe dhe disa persona si zagar që të largojnë afër tyre po deshe të ngresh ndonje çadër tënden .A thua edhe këtë vit do të ndodh e njejta gjëndje .Do të sugjeroja që distaca nga bregu afro 10-20m larg të mos ketë asnjë çadër apo shezlong në të gjithë vijën e ujit dhe të qëndrojë si pjesë publike për të gjithë ne që vimë dhe e frekuentojmë këtë plazh për të mos patur një shpenzim dyfish në këtë drejtim .Besoj me bindje që kjo kërkesë të merret parasysh nga z.Pjerin Ndreu ,që kam respekt të veçantë.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34