POP 5

Lajmet më të lexuara të 5 minutave të fundit

Kronikë

VIDEO/Nga sot bllokohet autostrada Tiranë-Durrës, nis rikonstruksioni i rrugës, ja si do lëvizin mjetet

Duke filluar nga dita e sotme, autostrada Tiranë-Durrës do të mbyllet, për shkak të rikonstruksionit. ARRSH njoftoi dy ditë më parë mbylljen e autostradës, duke sqaruar se duhet ndërhyrje emergjente,pasi rruga është shndërruar në rrezik për qytetarët

Duke filluar nga dita e sotme, autostrada Tiranë-Durrës do të mbyllet, për shkak të rikonstruksionit. ARRSH njoftoi dy ditë më parë mbylljen e autostradës, duke sqaruar se duhet ndërhyrje emergjente, pasi rruga është shndërruar në rrezik për qytetarët.

Nga ana e saj, policia ka bërë thirrje për shmangien e këtij aksi, ku makinat që ikin nga Tirana drejt jugut kërkohet kalimi nga Elbasani, ndërsa për në Durrës dhe veri kalimi do të bëhet nga rruga dytësore. Sot dhe nesër do të bllokohet dhe kryhet ndërhyrja në segmentin e parë nga Qafë Kashari në drejtim të Vorës.

FOTOT/Nis rikonstruksioni i autostradës Tiranë - Durrës

Pas përfundimit në segmentin Qafë Kashar – Vorë do të fillojë ndërhyrja në segmentet e tjera, ndërsa ndërhyrja për gjithë autostradën në dy senset do të realizohet gjatë muajit Qershor.

Në këtë ndërhyrje do të riparohen shtresat në pjesët e dëmtuara dhe jo gjithë gjatësia e rrugës. Pra bëhet fjalë për riparim të shtresave rrugore në zonat e dëmtuara të cilat krijojnë probleme qarkullimi.

ARRSH më poshtë jep edhe devijimin e rrugës si pasojë e ndërhyrjes për mirëmbajtjen:

Autoriteti Rrugor Shqiptar dhe Policia Rrugore informojnë median dhe opinionin publik se duke nisur nga dita e hënë (dt.11 Qershor), në kuadër të projektit të mirëmbajtjes me performance të Bankës Botërore do të fillojë ndërhyrja emergjente për riparimin e shtresave asfaltike në aksin Qafë Kashar - Durrës dhe Durrës - Qafë Kashar. Ndërhyrja për gjithë autostradën në dy senset do të realizohet gjatë muajit Qershor. Ditën e hënë do të fillojë ndërhyrja në segmentin e parë Qafë Kashar – Vorë.

ARRSH dhe Policia Rrugore kërkojnë mirëkuptimin dhe bashkëpunimin e drejtuesve të mjeteve gjatë procesit të ndërhyrjes në këtë aks rrugor.

Nga ana e Autoritetit Rrugor Shqiptar dhe Policisë Rrugore është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren.

Gjatë ditës së Hënë dhe të Martë do të bllokohet dhe kryhet ndërhyrja në segmentin e parë nga Qafë Kashari në drejtim të Vorës. ARRSH dhe Policia Rrugore u kërkojnë drejtuesve të mjeteve sa vijon:

· Lëvizja e mjeteve të rënda në drejtim të veriut duhet të bëhet përmes Kamzës nga rreth rrotullimi Casa Italia.

· Autoveturat që shkojnë në drejtim të Durrësit do të përdorin daljen tek pika e furnizimit Kastrati dhe mbikalimin për Kashar në drejtim të Vorës.

· Drejtuesit e mjeteve që kanë si destinacion jugun, duhet të përdorin drejtimin nga Elbasani si dhe kthimin për Tiranë të përdorin sërish drejtimin nga Elbasani.

· Mjetet me kalim nga Rinasi drejt Durrësit duhet të përdorin rrugën dytësore Qafë Kashar-Vorë (300 m përpara mbikalimit të Kasharit) ose në drejtim të aksit Rinas-Vorë në drejtim të doganës.

· Në mënyrë të veçantë drejtuesit e mjeteve që përdorin segmentin Tiranë-Durrës dhe kthim duhet të përpiqen të zgjedhin drejtime alternative sipas udhëzimeve që do të jepen në vazhdimësi nga Autoriteti Rrugor Shqiptar dhe Policia Rrugore.

· Punonjësit e Autoritetit Rrugor Shqiptar, Policisë Rrugore dhe firmave të mirëmbajtjes do të jenë me njësi të përqëndruara në terren për mbarëvajtjen e ndërhyrjes dhe orientimin e trafikut.

· Ju kërkohet drejtuesve të mjeteve që të respektojnë në mënyrë rigoroze rregullat e qarkullimit rrugor, sinjalistikën provizore të vendosur në segmentet ku do të punohet dhe udhëzimet e policisë.

Pas përfundimit të ndërhyrjes në segmentin Qafë Kashar – Vorë do të fillojë ndërhyrja në segmentet e tjera për të cilat ARRSH dhe Policia Rrugore do të përditësojnë skemat e lëvizjes dhe informojnë opinionin publik.

Njoftimi i ARRSH

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 11/06/2018 11:46

    E gjithe bota punon njehere ne njerin kah pastaj ne tjetrin duke devijuar trafikun ne nje korsi me sinjalistike shirita te verdh e cdo gje per mos ta mbyllur autostraden e pasi mbaron njeri kah ose segment punimet vazhdojne dhe hidhen nga kahu tjeter .Po po tu japesh tendera firmave qe se kane idene dhe haberin nga keto pune kjo situate do ndodhi.Pike e zeze thuaj ca behet aty dem kolosal me shume benzine etj etj prandaj si duhen sindikatat qeverive se do ti benin te llafoseshin me vete

    Përgjigju
  • Vari lesht: 11/06/2018 10:12

    Gjithmon punojn ne sezonin e turizmit. Çuditem me injorancen e tyne.

    Përgjigju
  • Shqiptari: 11/06/2018 09:55

    Nuk i doli koha nga Marsi ne Maj, tani qe fillon rremuja e plazhit...

    Përgjigju
  • tiku: 11/06/2018 08:21

    turp. Shpejt u kujtuan. tani qe fillon fluksi pushimit keto rregullojne rrugen kur mund te ishte bere shume mire muaj me pare

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

FOTO/ Vrasja e Eduart Reçit! Ky është oficeri i policisë, akuzohet se qëlloi biznesmenin e ndërtimit! Arrestohet dhe i vëllai

FOTO/ Vrasja e Eduart Reçit! Ky është oficeri i policisë, akuzohet se qëlloi biznesmenin e ndërtimit! Arrestohet dhe i vëllai

24 Nëntor, 15:48