Blogerja e famshme: Ja cilat janë këngëtaret shqiptare që kanë më shumë stil

Blogerja Rita Saraçi është një nga blogeret më të njohura në Kosovë, pasi përveç blogut të saj dhe fotove shumë interesante, ka krijuar sipërmarrjen e dizenjimit të veshjeve me një stil shumë të veçantë. 

E pasionuar pas të bukurës, sipërmarrësja e re e modës synon të paraqesë idenë e femrës së fortë, me mesazhin se femrat e bashkuara nuk thyhen lehtë.

E ftuar në emisionin “Rreze Dielli”, blogerja e njohur ka folur rreth pasionit të saj për modën, pasion i kthyer tashmë në profesion.

Ajo ka treguar edhe se cilët janë blogeret apo artistet shqiptare që i pëlqejnë më shumë.

“Estela Ujka është blogere shumë e mirë, Enxhi Vogli, më pëlqen po ashtu stili që ajo ka. Në Shqipëri ka më shumë blogere sesa në Kosovë. Nga këngëtaret më pëlqen Elvana Gjata, nga kombinimi i stilit edhe të muzikës.  Unë kam bashkëpunuar me artistë të ndryshëm si Kida, për të reklamuar veshjet e mia, ato i përshtaten shumë mirë veshjeve të mia.”, shprehet blogerja.

Deri më tani Rita Saraçi ka lancuar 3 koleksione të linjës së saj të rrobave.  Planet e saj për të ardhmen janë rritja e këtij biznesi dhe këtij brendi atraktiv, krijimi i më shumë dizajneve dhe rrobave dhe rritja në përgjithësi e ekipit të saj. 

D.M./r.k./Shqiptarja.com

TAG:
• vip
• Elvana Gjata
• blogere
• rrezedielli
• stil
• rita saraci