Ish-deputeti Ben Blushi ka bërë në Prokurorinë e Tiranës një kallëzim penal për sa i përket katër numëruesve të votave në Tiranë, të cilët sipas tijë kanë zhdukur në dy kuti  18 vota të subjektit politik që ai drejton.

“Sot kam paditur në Prokurori katër numërues që vetëm në dy kuti në Tiranë kanë zhdukur 18 vota LIBRA. Këta janë Mirand Seferi, Ergys Hila, Elona Filloli dhe Florian Shkreta”, shkruan Blushi në llogarinë e tij në rrjetin social “Facebook”.

Sipas asaj që shkruan kreu i LIBRA, nga kqyrja e filmimeve të KQZ-së tregon se edhe shumë numërues të tjerë kanë bërë të njëjtën gjë, si dhe paralajmëron që kallëzimet penale do të vazhdojnë.
“Ka ardhur koha që dikush të ketë frikë nga zgjedhjet”, shkruan Blushi në statusin e tij.

ben blushi