POP 5

Lajmet më të lexuara të 5 minutave të fundit

Ekonomi

Bodigardi i Rezart Taçit, 27-vjeçari
Irgen Selfo merr aksionet e tij

Biznesmeni ka kaluar më se 70 pika të shitjes së karburantit në mbarë vendin gjatë muajit gusht në pronësi të Irgen Selfos, bodigardit të tij 27-vjeçar, që u arrestua bashkë me Taçin pas keqtrajtimit të Mero Bazes.
Bodigardi i Rezart Taçit, 27-vjeçari<br />Irgen Selfo merr aksionet e tij
TIRANE - Rezart Taçi ka gjetur një mënyrë të sofistikuar për të siguruar pjesëmarrjen e tij të mëtejshme në tregun e shitjes së karburanteve në vend, ndonëse në kontratën e shitjes së aksioneve që kishte tek ARMO ka pranuar që, për pesë vjet, të tërhiqet, sëbashku me motrën e tij Anika, nga çdo aktivitet që ka lidhje me hidrokarburet. Por, pak ditë para se të nënshkruante kontratës e shitjes së aksioneve të ARMO-s, Taçi i ka kaluar në pronësi mbi 70 pika karburantesh, të shpërndara në të gjitha rrethet e vendit, njeriut të tij të besuar Irgen Selfo, bodigard i tij.

Kjo vihet re në regjistrimet e kryera në QKR. Më datë 6 gusht 2013 Taçi ka nënshkruar kontratën e shitjes së pjesës së tij tek rafineria e naftës, ndërsa më 7 gusht, 24 orë më pas, QKR-ja ka regjistruar shtimin e mbi 70 adresave të reja të biznesit (pika shitjeje me pakicë të karburantit) nga kompania Kuid, në pronësi 100% të Taçit, tek Kuarta, në pronësi 100% të Irgen Selfos. Kt veprim është bërë referuar kontratës së shitjes së këtyre objekteve, përfunduar më 2 gusht 2013, kur Taçi kishte përfunduar praktikisht bisedimet për shitjen e ARMO-s.
 
KOMPANIA
Kuarta është një kompani, e krijuar më 20 maj 2012 nga vetë Taçi, ku ai ishte 100% aksioner dhe administrator. Por, më 21 maj Taçi ja le vendin si administrator Selfos, duke mbetur aksioner i vetëm. Pas gjashtë muajsh, QKR-ja e kalon kompaninë në statusin ”pezulluar”. Kjo ka zgjatur deri më 17 korrik të këtij viti, kur befas firma aktivizohet sërish dhe aksioner i vetëm bëhet Irgen Selfo. Pra, rezulton se Taçi ka vënë bodigardin e tij që të drejtojë kompaninë në emër të vet.

Kompania që vijon ta mbajë Taçi, Kuid, rezulton që nga muaji maj të heqë dorë gradualisht nga pikat e veta të karburantit, për të kryer nja largim masiv të tyre më 31 korrik 2013, pak ditë para marrëveshjes. Një numër i madh i këtyre pikave kanë kaluar në pronësi të Kuartas.
 
BODIGARDI
Irgen Selfo ka qenë i vetmi që qendroi në burg për rrahjen e gazetarit Mero Baze nga Taçi dhe një person tjetër, më 2 nëntor 2009. Por, ka patur shumë ngjarje që kanë dëshmuar se marrëdhëniet e tij me bosin kanë qenë më të thella se ato midis shefit dhe vartësit. Kështu, në një rast, sipas medias sportive, më 14 maj 2009, bodigardi i Taçit ka shpenzuar 3.700 euro për fanelën e Ronaldinjos dhe 3.100 për atë të qendërmbrojtësit të Milanit, Senderos. Në këtë mënyrë, veç familjarëve të tij, Taçi ka përfshirë në ankandin e bamirësisë, të organizuar ngë Liri Berisha, edhe truprojat e tij.
Tani ai i ka dhënë atij edhe biznesin ”e ndaluar”.

Regjistrimet e shtimit të adresave të reja të Biznesit nga kompania Kuarta e Irgen Selfos
(Në foto: Regjistrimet e shtimit të adresave të reja të Biznesit nga kompania Kuarta e Irgen Selfos​)

Regjistrimet e heqjes së adresave të deritanishme të biznesit nga kompania Kuid e Rezart Taçit
(Në foto: Regjistrimet e heqjes së adresave të deritanishme të biznesit nga kompania Kuid e Rezart Taçit)

Shkrimi u botua sot në gazetën Shqiptarja.com (print) 17.08.2013
 
Redaskia Online
(b.m/mag/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

Dita e Pavarësisë, Presidenti Begaj mirëpret fëmijët shqiptaro- amerikanë: Ruajnë dashurinë për vendin dhe traditat

27 Nëntor, 19:39