POP 5

Lajmet më të lexuara të 5 minutave të fundit

Sociale

Bojkoti i ‘Mjekësisë’ jep efektet e para, studentët i kërkojnë dekanit sezon provimesh shtesë për të kapur kredite për kalimin në vitet pasardhëse

Pas dakordësisë për t’u kthyer në auditorë, Studentët e Mjekësisë i kanë kërkuar Dekanit të Fakultetit të Mjekësisë Xheladin Draçini zhvillimin e një sezoni shtesë provimesh që t’iu shërbejë studentëve për plotësimin e krediteve të nevojshme për kalimin e vitit pasardhës.

Bojkoti i ‘Mjekësisë’ jep efektet e para, studentët i kërkojnë dekanit sezon provimesh shtesë për të kapur kredite për kalimin në vitet pasardhëse

Studentët e Mjekësisë në protestë, foto arkiv

TIRANË- Pas dakordësisë për t’u kthyer në auditorë, Studentët e Mjekësisë i kanë kërkuar Dekanit të Fakultetit të Mjekësisë Xheladin Draçini zhvillimin e një sezoni shtesë provimesh që t’iu shërbejë studentëve për plotësimin e krediteve të nevojshme për kalimin e vitit pasardhës.

Gjithashtu, në kërkesën që ata i kanë drejtuar dekanit, kërkojnë tolerancë akademike në lidhje me mungesat gjatë bojkotit të tyre 4-javor për shkak të kundërshtimit me anë të protestave të ligjit për Trajtimin e Veçantë të studentëve të Mjekësisë që i detyron ato 2-5 vite të punojnë në Shqipëri pas diplomimit.

Tashmë studentët u janë rikthyer auditorëve prej 30 tetorit. Pas takimit me rektorin e UMT Arben Gjata ata u dakordësuan për të hyrë në leksione deri në një vendim përfundimtar të Gjykatës Kushtetuese pas ankimimit të tyre ndaj ligjit detyrues.

Premtimet e rektoratit
1. Nuk do firmoset asnjë kontrate deri në vendimin e Gjykatës Kushtetuese.
2. Do përgatitet një plan për zëvendësimin e orëve të humbura,
3. Do këtë edhe një takim me Ministrinë e Arsimit

Ligji për diplomat e Mjekësisë
Çdo student i mjekësisë që nuk përmbush detyrimin ligjor, për të ofruar shërbim shëndetësor deri në 5 vite në vendin e tij dhe zgjedh të largohet jashtë Shqipërisë pas studimeve, do të duhet të paguajë një tarifë prej 240 mijë lekë të reja për çdo vit studimi. Prej më shumë se 4 javësh studentët e Mjekësisë kanë protestuar dhe bojkotuar mësimin kundër ligjit që i vendos mes dy zgjedhjeve.

Sipas ligjit të miratuar nga qeveria, studentët e vitit të parë do duhet të punojnë 5 vite  në Shqipëri pas mbylljes së studimeve. Studentët nga vitit i dytë deri në vitin e katërt do të punojnë tre vite pas diplomimit, ndërsa studentët e vitit të pestë dhe të gjashtë dy vite pas diplomimit. Ndërkohë që alternativa e dytë që u paraqitet studentëve që janë aktualisht në sistem, pra nëse nuk do duan që pas diplomimit të qëndrojnë për dy apo tre vite në Shqipëri, ata do të paguajnë koston e plotë të studimeve, 240 mijë lekë të reja.

Kërkesa e studentëve për dekanin Xheladin Draçini

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/11/2023 22:05

    /Tolerance akademike/ per mungesat!! Nuk ka tolerance,mungesat zevendesoini gjate kohes se pushimeve dhe ne weekend,sic i zevendeson gjithe bota.Ne te fundit,nuk ishit as te semure,as turni i trete,as me probleme te verteta qe te justifikoni /tolerance akademike/,aq me teper mjekesia qe ka ne dore jeten e njeriut.Juve ju deshi qejfi e bojkotuat leksionet nje muaj,tani duroni deri me nje pasojat.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Një boksier në shtëpinë e Big Brother, kush është banori i ri

Një boksier në shtëpinë e Big Brother, kush është banori i ri

28 Prill, 09:11