Bojkoti i seancave gjyqësore, kreu i Dhomës së Avokatisë Elbasan: Do të vijojë pa afat

 

Bojkotit të seancave të sigurisë, por edhe seancave të tjera gjyqësore i është bashkuar edhe Dhoma e Avokatisë Elbasan. Kreu i saj Demir Çiftja thotë se ky bojkot është i rëndësishëm edhe për qytetarët, ndonëse atyre po iu zvarriten proceset gjyqësore, pasi me miratimin e hartës së re nuk do të kenë më akses në drejtësi.

“Dhoma e avokatisë Elbasan vendos të bojkotojë të gjitha seancat gjyqësor civili penale, administrative pa afat kohor dhe për 10 ditë edhe masat e sigurisë. Këshilli Kombëtar e ka marrë me shumë shpejtësi dje në një mbledhje urgjente, në funksion të mosreagimit të institucioneve për bojkotin që ne paralajmëruam. Qytetarët janë ata që marrin gjithë koston. Harta e re gjyqësore, aksesi i qytetarëve në drejtësi është po aq i rëndësishëm sa bojkoti që po bëjmë ne. Nuk e di si KLGJ merret me hartën e re gjyqësore kur më emergjentja është plotësimi i vendeve vakante, si mund t’i lëmë gjykatat pa gjyqtarë dhe prokurorë. Ata persona do jenë të pambrojtur, do iu mohohet e drejta për tu mbrojtur”, tha Demir Çiftja.

LEXO EDHE:
Kërkuan shfuqizimin e hartës së re gjyqësore, Kushtetuesja rrëzon Dhomën e Avokatisë dhe Komitetin e Helsinkit

Lajmi kryesor:

Harta e re Gjyqësore/ Avokatët në Tiranë thyejnë bojkotin e seancave të sigurisë, shtyhen 60 gjyqe! Në rrethe vijon protesta, 'braktisje' pa afat seancave të tjera

SI.E./r.k./Shqiptarja.com

TAG:
• harta gjyqesore
• avokatet
• maks haxhia
• Sajmir Vishaj