POP 5

Lajmet më të lexuara të 5 minutave të fundit

Kronikë

Borxhet ndaj CEZ, Ismailaj thyen
heshtjen: Arbitrazhi? S’tërhiqem!

Pas më shumë se një viti nga arrestimi i tij për akuzën e pastrimit të parave dhe aferën e borxheve të CEZ, Kastriot Ismailaj thyen heshtjen. Nga salla e gjyqit ai deklaron se nuk do të tërhiqet nga arbitrazhi për 130 milion euro. Ismailaj kërkoi dhe rrëzimin e kërkesës për konfiskim pasurie, pasi në gjyq ai deklaroi se paratë në Shqipëri i ka sjell me bankë e jo me çanta dhe për këto para është hetuar dhe më parë, dhe ka rezultuar i rregullt.
 
TIRANË - Nga salla e gjyqit ku po shqyrtohet kërkesa për konfiskimin e pasurisë prej 5 milionë euro, Kastriot Ismailaj deklaron se nuk do të tërhiqet nga arbitrazhi me shtetin shqiptar ku ai kërkon 130 milionë euro për prishje të njëanshme të kontratës. Ismaili u shpreh se ai do ti gjejë paratë për të paguar studion ligjore, paçka faktit që mbahet në burg.

Seanca e radhës midis prokurorisë dhe Ismailajt u zhvillua në Gjykatën e Krimeve të Rënda këtë të enjte, ku këtë herë Kastrioti ishte vetë i pranishëm i shoqëruar dhe nga avokati Vladimir Meçi.

Ismailaj është i hetuar për pastrim parash dhe i përfshirë në skandalin e borxheve të CEZ Shpërndarje, por sipas tij pasuria që ai dhe familjarët e tij gëzojnë është e ligjshme.

Shqiptarja.com zbardh dëshminë e Ismailjat, i cili pas më shumë se një viti që është arrestuar ka folur para gjykatës.

“Pasuria ime dhe e familjarëve të mi nuk ka lidhje me ligjin Antimafia, pasi nuk është e krijuar nga trafiku. Paratë në Shqipëri unë nuk i kam sjellë me çanta por me bankë në mënyrë të ligjshme. Të gjitha transfertat janë bërë nga banka prestigjioze jashtë vendit, e nëse do kisha bërë pastrim parash do i kishin bllokuar ato. Jam hetuar dhe më parë e nuk kanë gjetur asnjë shkelje, pasi paratë janë arkëtuar në Adriatic Development Corporation nga bizneset e mia të ligjshme jashtë Shqipërisë”, - mësohet të jetë shprehur Ismailaj para trupit gjykues.

Pas këtyre deklarimeve prokuroria kërkoi konfiskimin e pasurisë, por gjykata pritet të shprehet me vendim për këtë kërkesë pas disa seancave.

Ismailaj pak ditë më parë u transferua nga paraburgimi i Fierit për në paraburgimin 302 në Tiranë, ku qëndron nën siguri 24 orëshe nga forcat e rendit.

Redaksia Online
(Gre.M/Shqiptarja.com)
 
 

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53