POP 5

Lajmet më të lexuara të 5 minutave të fundit

Arkiva

Bozdo: Deri në fund të vitit do t’i shtohen Tiranes 2 mijë pemë dhe bimë dekorative

  TIRANË, 12 Shtator /ATSH- I. Vata/- 200 stola dhe rreth 140 kosha do të vendosen sot në parqet dhe rrugët e Tiranës me një donacion bërë bashkisë së Tiranës nga shoqata turke “Tika”( Agjencia Turke për Bashkëpunim dhe Koordinim),  e cila i ka ardhur në ndihmë bashkisë së Tiranës, ka deklaruar nënkryetari i bashkisë […]
200 stola dhe rreth 140 kosha do të vendosen sot në parqet dhe rrugët e Tiranës me një donacion bërë bashkisë së Tiranës nga shoqata turke "Tika"( Agjencia Turke për Bashkëpunim dhe Koordinim),  e cila i ka ardhur në ndihmë bashkisë së Tiranës, ka deklaruar nënkryetari i bashkisë Eno Bozdo, në cermoninë e rastit.

Në ceremoninë e dorëzimit të këtij donacioni nga presidenti i "Tika"-s, Prof. Dr. Birol Cetin, Bozdo theksoi se "kjo dhuratë, e bërë me shumë zemërgjerësi nga "Tika" vjen absolutisht në një çast shumë të përshtatshëm për Bashkinë e Tiranës, pas një bllokimi 7-mujor të buxhetit të Bashkisë, ku çdo lloj investimi praktikisht ishte bllokuar. "Tika" na është gjendur duke plotësuar një kërkesë të Bashkisë së Tiranës dhe duke dhuruar 200 stola dhe 142 kosha. Është angazhimi i Bashkisë së Tiranës për një mjedis sa më të pastër dhe sa më të gjelbër në Tiranë".

"Tika" pritet t'i dhurojë Bashkisë së Tiranës dhe një sasi pemësh, në mënyrë që t'i shtohet gjelbërimi qytetit, një prioritet i Bashkisë. Deri në fund të vitit, sipas Bozdos, në Tiranë do të mbillen rreth 2.000 pemë dhe bimë dekorative. Po kështu, "Tika" po kontribuon në restaurimin e disa xhamive, mes të cilave është edhe xhamia e Et'hem Beut" tha Bozdo.

Ndërsa presidenti i "Tika"-s, Prof. Dr. Birol Cetin, u shpreh se "ky është një projekt i cili jep shumë rëndësi pastërtisë dhe ambientit. Është një projekt, që mund të themi me një buxhet simbolik, por do të japim edhe ndihma të tjera që lidhen me gjelbërimin e qytetit. Dua të themi që gjithmonë do të ketë derën e hapur Bashkia  e Tiranës për të gjitha nevojat, brenda mundësive që ne kemi". /ATSH/
 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55