Deputeti socialist Erion Braçe ka rikujtuar sërish për publikun dhe mbështetësit e tij ambicien për t’u zgjedhur kryetar i Bashkisë Tiranë në zgjedhjet vendore që pritet të mbahen në vitin 2027.

Përmes një postimi në rrjetet sociale, Braçe thekson përkushtimin dhe përgjegjëshmërinë që po tregon në punën e tij si deputet i kryeqytetit, dhe zotohet se me të njëjtën devotshmëri do t’i shërbejë Tiranës edhe nëse zgjidhet kryebashkiak i saj.

Postimi i plotë i Erion Braçes:

Unë u zgjodha me votë deputet!

Pas katër vitesh pa deputet,

nuk besoj që te “5”-a ka njeri që thotë “nuk e njoh deputetin” – cep më cep të “5”-ës!

Sepse deputeti nuk është vanitet, deputeti është punë!

Tani Tirana prej një viti është pa kryetar;

do ta rikthej edhe kryetarin e bashkisë me të njëjtin përkushtim siç ktheva deputetin,

lagje më lagje dhe rrugë më rrugë!