Brataj: Ditët e fundit ulje e rasteve COVID, një javë më parë mendohej ashpërsim i masave! Votimi i të infektuarve në 25 prill, do ndjekim modelet e vendeve të tjera

Masat izoluese të vendosura dy javë më parë nga Komiteti Teknik i Ekspertëve, sipas kreut të Urgjencës Kombëtare, Skënder Brataj kanë dhënë efekte pozitive gjatë ditëve të fundit. Në një intervistë në Report Tv, Brataj u shpreh se kjo ulje është regjistruar 4-5 ditët e fundit. Ai u shpreh se përpara një jave mendohej një ashpërsim i masave por ulja e lehtë e shifrave ka sjellë vendimin për lënien në fuqi të kufizimeve aktuale.

“Marrja e masave bëhet sipas kushteve epidemiologjike të infeksionit. Në fillimin e javës së parë pati një rritje të infektimeve e viktimave nga COVID. Rezultatet e një mase do japin efekt pas dy apo tre jave. Numri i të infektuarve është i qëndruyeshëm. Janë tregues stabël. Ato masa që morëm përpara dy javësh ka dhënë rezultatin e vetë. Janë masa që vendosen të vazhdojnë por nuk përjashtohet që monitorimi të ndryshojë për masat që paraqiten. Përpara 4-5 ditësh u pa që mund të kishim një shtrëngim të masave por me ditët e fundit kemi parë një ulje të lehtë të numrit të të infektuarve. Kjo masë e fundit do japë akoma më shumë rezultate. Ne kishim nga data 6 shkurt mbi 1100 të infektuar ndërsa tani kemi tek 1020. Janë disa ditë që tregojnë një ulje. Shtrimet në spital, kemi një indeks mujor ose ditor dhe kemi një numër negative ose pozitiv. Në fillim të javës kemi pasur plus 40 ndërsa këto ditë kemi pasur minus 8 që do të thotë më shumë kanë dalë se sa janë shtruar” – tha Brataj.

Lidhur me deklaratën e kreut të Komisionit Shtetëror të Zgjedhjeve, Ilirjan Celibashi se të infektuarit me COVID nuk do të votojnë në 25 prill, Brataj thotë se kjo nuk përbën problem. Duke iu referuar dhe modeleve të vendeve të tjera që kanë realizuar zgjedhjet gjatë kësaj periudhe, Brataj tha se mund të ndjekim këto modele.

“Që nga data 26 janar, ka pasur rritje të shtrimeve në spitale por këto ditët e fundit kemi pasur ulje. Kontrollet kanë qenë më rigoroze, policia ka qenë më e rreptë. Për fatin e mirë, janë dhe dy muaj kohë nga zgjedhjet. Vendet e tjera kemi pasur modele se si votojnë ata që janë të infektuar. Ka shtete që i kanë bërë dhe ka pasur modele të mira. Nuk shqetësohemi për këtë tani. Duhen respektuar masat antiCOVID. Duhet të jemi të kujdesshëm këto dy muaj, vera do të na ndihmojë plus kemi dhe procesin e vaksinimit në vijim. E mira është që ta kalosh virusin kur është më i dobët. Edhe javës së tjera që do vijnë javën tjetër. Vendet e tjera na kanë treguar që infeksioni ka rënë tek bluzat e bardha” – tha Brataj.

Dy ditë më parë shefi i Urgjencës Kombëtare u vaksinua teksa ai tha se nuk ka pasur asnjë efekt anësor.

“Unë ndihem shumë mirë, vetëm një dhimbje të krahut ditën që e bëra. Duhet bërë vaksina” – tha Brataj.

Këtë të enjte Komiteti Teknik i Ekspertëve ka lënë në fuqi masat antiCOVID, izolimin nga ora 20:00 deri në 06:00. Në 24 orët e fundit në vendin tonë janë shënuar 986 raste të reja me koronavirus nga 3691 testime të kryera si dhe humbën jetën 21 qytetarë.

E.M./Shqiptarja.com
  • Sondazhi i ditës:

    7 dite para zgjedhjeve, a ju janë ofruar para ose favore në këmbim të votës?

Komento

Komente

  • Politija: 25/02/2021 20:52

    Politike dhe pike. Po te ishin eksperte keta do ishim mbyllur me kohe dhe s'do kishin vdekur kot gjithe ata neser.

    Përgjigju
  • Eva: 25/02/2021 20:39

    ti je mjek nuk duhet te shprehesh fare per ceshtje politike ti thjesht duhe te flasesh vetem per situaten sa rrezikojne te tjeret nese te infektuarit shkojne e votojne .Pastaj komisioni zgjedhor e hodhi poshte tezen tuaj mjeko politiko sdi cemer ti ve pasi nuk e ka me ligj dhe nuk e sheh te arsyeshme apo do ta beni si pune kartave te skaduara qe u shtyte afatin.Ata qe kane kartat e skaduara jane emigrantet qe te bllokuar nuk mund te vinin te benin kartat e reja e si e tille kartat e tyre nuk mund te nxirren te reja nga familjaret e tyre pasi per karten e re duhesh personalisht por tanime qe afati u shty familjaret mund te shesin karten e skaduara ose ta perdorin kundrejt 50 mije leke tek forcat politike te cilat do ti perdorin njelloj sikur x apo y votoi pasi kartat e vjetra mund te perdoren lehtesisht pasi te rejat skane shanc pasi emigrantet jane te bllokuar europes dhe nuk mund te manipuloheshim votat nese kartat e vjetra nuk viheshin ne perdorim.cdo gje me hile aty

    Përgjigju
  • Nebih: 25/02/2021 19:19

    Po si more ka ulje rastesh kur para 2 jave ishin te infektuar 700 persona ne dite e sot i ke 1000 raste? Sa persona duhet me vdek qe situata te del jasht kontrolli?

    Përgjigju
  • Sidrit Golemi: 25/02/2021 18:32

    kur do te vaksinohen punetoret e zinxhirit ushqimor, duke filluar nga buka e keshtu me radhe?

    Përgjigju
  • Genci: 25/02/2021 18:29

    Te pakten vertetuan si Komitet Ekspertesh qe gjithcka kane, vetem turp jo!! Ka renie rastesh (21 viktima sot) dhe 986 raste nga tre mije e ca teste, (aferisht nje mije ne pak se zakonisht).

    Përgjigju


×

Lajmi i fundit

John

’Pa Gjurmë’/ Zhdukja e Bleona Matës reagon nëna e Begzim Isës: Vajzën nuk e rrëmbeu im bir, por gjejeni…