Ish-kryeministri Fatos Nano feston sot 70-vjetorin e lindjes mes familjarëve dhe miqve të ngushtë.

Ka qenë kryebashkiaku i Kavajës, Redjan Krali, i cili është edhe nipi i Nanos, i cili ka ndarë disa foto nga festa ku ai shfaqet në krah të bashkëshortes së tij Xhoana Nano.

“Mentori im! Të qofshin të shumta vitet dhe i gëzofsh me zemrën plot! Ky rrugëtim i imi nuk do të kishte qenë i njejti pa mbështetjen, bekimin dhe këshillat e tua!

Kam mbledhur çdo urtësi tënden që ma ke dhuruar me shumë bujari në çdo takim a bisedë të gjatë që shkëmbejmë bashkë dhe i ruaj si pasurinë më të vyer! Shëndet e jetë të gjatë”, shkruan Krali.

Fatos Nano lindi më 16 shtator 1952 në Tiranë. Ai ishte lideri dhe themeluesi i parë i Partisë Socialiste të Shqipërisë dhe deputet i Kuvendit të Shqipërisë nga viti 1991 deri në 1993 dhe 1997 deri në 2009.