POP 5

Lajmet më të lexuara të 5 minutave të fundit

Bota

Brexit:  Vështirësitë e Britanisë së Madhe të përshtatet me rregullat e reja të BE-së

Do të ketë momente të vështira për bizneset dhe udhëtarët në Mbretërinë e Bashkuar ndërsa ata përshtaten me rregullat e reja të BE, thotë ministri Michael Gove.

Brexit:  Vështirësitë e Britanisë së Madhe të përshtatet me rregullat e reja të BE-së

Do të ketë momente të vështira për bizneset dhe udhëtarët në Mbretërinë e Bashkuar ndërsa ata përshtaten me rregullat e reja të BE, thotë ministri Michael Gove.

Gove tha "Unë jam i sigurt se do të ketë momente të vështira, por ne jemi atje në mënyrë që të përpiqemi të bëjmë gjithçka që mundemi për të zbutur pengesat."

Ai paralajmëroi bizneset se koha ishte "shumë e shkurtër" për të bërë përgatitjet e fundit para se të mbarojë periudha e tranzicionit.

"Natyra e marrëdhënies sonë të re me BE - jashtë Tregut të Vetëm dhe Bashkimit Doganor - do të thotë se ka ndryshime praktike dhe procedurale për të cilat bizneset dhe qytetarët duhet të bëhen gati. Ne e dimë që do të ketë disa vështirësi ndërsa përshtatemi me mënyra të reja të të bërit biznes me BE-në, kështu që është jetësore që të gjithë të ndërmarrim veprimet e nevojshme."

Bizneseve u është kërkuar që të sigurohen se i kuptojnë rregullat e reja për importin dhe eksportin e mallrave, përfshirë rregullat e ndryshme që zbatohen për tregtinë me Irlandën e Veriut dhe të marrin në konsideratë se si do të bëjnë deklaratat doganore.

Gove gjithashtu u bëri thirrje njerëzve që udhëtojnë në drejtim të vendeve të BE të bëjnë kontrolle shtesë, duke përfshirë tarifat e roamingut të telefonit celular dhe të sigurohen që pasaportat e tyre të kenë një afat të paktën 6 mujor para skadencës. 

Ndërkohë udhëtarët nga Britania e Madhe do të duhet të deklarojnë edhe paratë që mbajnë me vete deri në 10,000 € (9,049 £) ose më shumë kur hyjnë në Irlandën e Veriut nga 1 Janari.

Ambasadorët e BE kanë miratuar marrëveshjen tregtare pas Brexit, duke hapur rrugën që ajo të hyjë në fuqi në 1 Janar. Sipas rregullave të BE ai mund të hyjë në fuqi përkohësisht, megjithëse Parlamenti Evropian do ta votojë atë në janar.

Në Mbretërinë e Bashkuar, deputetët do të votojnë mbi marrëveshjen të Mërkurën.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze