POP 5

Lajmet më të lexuara të 5 minutave të fundit

Bota

Britani e Madhe, vizitë jo e mirëpritur e Boris Johnson në Skoci (VIDEO)

Por kjo lloj mikpritje nuk është e papritur, po të kemi parasysh që shumica e elektoratit Skocez ka votuar të mbetet në Bashkimin Europian

Jo tamam e mirëpritur vizita e parë në Skoci e pasardhësit të Theresa May. Por kjo lloj mikpritje nuk është e papritur, po të kemi parasysh që shumica e elektoratit Skocez ka votuar të mbetet në Bashkimin Europian.

Edhe takimi me kryeministren Nicola Sturgeon, gjithashtu pati nervozizmin e vet të pashmangshëm.

Ndërsa kryeministri i ri britanik ka premtuar 300 milion paund fonde shtesë për Skocinë, siç bëri për Irlandën Veriore dhe Uellsin, Sturgeon, një përkrahëse e fortë e një referendumi të dytë për shkëputjen nga Londra, ka përsëritur kundërshtimin e saj për Brexit.

“Mes kaosit të kësaj periudhe, qeveria dhe rruga që po bën ajo, për mua janë të rrezikshme. Duket qartë se Kryeministër i ri po e drejton Mbretërinë e Madhe drejt një Brexit-i pa marrëveshje.

Nuk mund ta besoj se mund të dalim nga Bashkimi Europian pa një marrëveshje. Kjo do të ishte katastrofike për Skocinë dhe mbi të gjitha për tërë Mbretërinë e Bashkuar” - tha Nicola Sturgeon

Në prag të kufirit të fundit kohor për Brexit, Johnson përsëriti edhe një herë pozicionin e tij: nuk do të bashkëveprojë me Bashkimin Evropian derisa ky i fundit të bëj një hap pas duke rinegociuar një marrëveshje të re, në të kundërt, me apo pa marrëveshje, më 31 tetor ne do të shkëputemi – tha Boris Johnson.

Të martën, kryeministri i ri britanik do të vazhdojë udhëtimin e tij në Uells, ku ai do të përpiqet të ndërtojë konceptin e unitetit në një rajon që ka të ngjarë të ndikojë në kontraditat e brendshme historike.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06