POP 5

Lajmet më të lexuara të 5 minutave të fundit

Arkiva

BRUKSEL – BE dënon ndalimin për hyrjen në Rusi të një eurodeputeteje

BRUKSEL - Bashkimi Evropian dënoi sot vendimin e Rusisë për të ndaluar hyrjen në territorin e saj të eurodeputetes gjermane, Rebecca Harms duke kritikuar mungesën e transparencës nga ana e Moskës përsa i përket një liste të zezë të mundshme të personaliteteve evropiane.
Harms, e cila është bashkëpresidente e grupit të të Gjelbërve, u nis dje për në Moskë ku duhet të merrte pjesë, si vëzhguese, në procesin e pilotes ukrainass, Nadjezhda Savçenko, e akuzuar për spiunazh.
"Pavarësisht pasaportës diplomatike, ajo është parë të ndalohet në hyrje të territorit rus", theksoi në një komunikatë grupi i të Gjelbërve.
"Ky është një distancim shqetësues për marrëdhëniet e Moskës me Parlamentin Evropian", konfirmoi presidenti Martin Schulz në rrjetin social "Twitter".
Ai u angazhua t'i dërgonte një letër protestë ambasadës ruse me qëllim që qeveria të rishikonte vendimin e saj.
"Ne dënojmë refuzimin, në një aeroport të Moskës, për të lejuar hyrjen në territorin rus të deputetes evropiane Rebecca Harms", deklaroi një zëdhënës i shërbimit diplomatik të BE-së.
Ai nënvizoi se ndalimi i Savtchenko ishte një çështje shqetësuese për Bashkimin Evropian.
"Mungesa e transparencës nga ana e autoriteteve ruse përsa i përket personave të përfshirë në listën e zezë është për të ardhur keq dhe është në kundërshtim me principin e marrëveshjes për vizat mes Bashkimit Evropian dhe Rusisë", shtoi zëdhënësi.
Ministria gjermane e Punëve të Jashtme e kishte gjykuar të papranueshëm vendimin e Moskës për të ndaluar hyrjen në Rusi të Harms./ATSh/

  • Sondazhi i ditës:

    Lista e PS për 14 Majin me 44 rikandidime e 17 emra të rinj, si e vlerësoni?

Lajme të tjera



×

Lajmi i fundit

Izraeli prej muajsh nw protesta, kwrkojnw ndalimin e reformës që kufizon kompetencat e Gjyqësorit

26 Mars, 15:09