POP 5

Lajmet më të lexuara të 5 minutave të fundit

Kosova & Rajoni

Bruksel/ Sot bisedime në nivel ekspertësh midis Kosovës dhe Serbisë

Kosova dhe Serbia pritet të vazhdojnë sot në Bruksel bisedimet në nivelin e ekspertëve

Bruksel/ Sot bisedime në nivel ekspertësh midis Kosovës dhe Serbisë

Kosova dhe Serbia pritet të vazhdojnë sot në Bruksel bisedimet në nivelin e ekspertëve, gjatë të cilave pritet të diskutohen çështja e personave të zhdukur gjatë luftës në Kosovë, të zhvendosurit dhe bashkëpunimi ekonomik.

Bisedimet që rifilluan javën e kaluar, pas 20 muaj pezullimi, sipas autoriteteve në Prishtinë synojnë arritjen e një marrëveshje normalizimi dhe njohje të ndërsjellë me Serbinë, por zyrtarë të kësaj të fundit kanë hedhur poshtë çdo mundësi për një marrëveshje për njohje. 

Të tri këto çështje janë shtruar në tryezën e bisedimeve të së enjtes së kaluar në Bruksel në përballjen e parë të kryeministrit Hoti me presidentin serb, Aleksandër Vuçiç në kuadër të bisedimeve të ndërmjetësuara nga Bashkimi Evropian të cilat rifilluan pas një pezullimi prej 20 muajsh.

Delegacioni i Kosovë pritet të udhëhiqet nga bashkërenduesi shtetëror për bisedimet me Serbinë, Skender Hyseni, i cili dy ditë më parë u emërua në këtë post nga kryeministri i Kosovës, Avdullah Hoti.

“Në përputhje me platformën tonë për procesin e dialogut edhe vendimin e qeverisë të marr para dy jave, unë kam emëruar dje zotin Skender Hyseni si koordinator shtetëror për procesin e dialogut. Ai flet në emër timin në tavolinën e dialogut, ai ka këtë kompetencë, do të thotë më përfaqëson mua si kryeministër në procesin e dialogut. Nesër ai është në Bruksel bashkë me zotin Makolli që merret me çështjen e të pagjeturve për të draftuar marrëveshjen finale për çështjen e të pagjeturve”, tha kryeministri Hoti.

Kryeministri Hoti u gjet nën kritika në Kosovë ku thuhet se me Serbinë duhet të diskutohet vetëm për njohje dhe duhet shmangur çdo mundësi që procesi të stërzgjatet me diskutime teknike.

Kryeministri Hoti tha se Kosova ka hyrë në bisedime për të përmbyllur marrëveshjen me Serbinë e cila përfshinë sipas tij dy gjëra, njohjen e ndërsjellë dhe normalizim të marrëdhënieve.

“Ne kemi hyrë në dialog për të Me këto qëllime kemi hyrë në këtë proces në dakordim me miqtë tanë ndërkombëtarë. Dialog është për të përmbyllur marrëveshjen me Serbinë”, tha ai.

Beogradi ndërkaq ka hedhur poshtë çdo mundësi për një marrëveshje që do të çonte në njohjen e Kosovës, por normalizimi i marrëdhënieve është kusht për integrimet evropiane që aspirohen nga të dyja palët.

Bisedimet e ndëmrjetësuara nga Bashkimi Evropian filluan në vitin 2011 dhe ato pasuan një rezolutë të Asamblesë së Përgjithshme të Kombeve të Bashkuara që u hapi rrugën bisedimeve teknike që më pas u shdnërruan në bisedime politike.

Rezoluta u miratua pak kohë pasi që në korrik të vitit 2010, Gjykata Ndërkombëtare e Drejtësisë nxori vlerësimin se shpallja e pavarësisë së Kosovës në shkurt të vitit 2008 nuk paraqet shkelje të së drejtës ndërkombëtare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46