POP 5

Lajmet më të lexuara të 5 minutave të fundit

Ekonomi

‘Bum’ ndërtimesh në vend, por Censi zbulon shifrat: Në 13 vite u shtuan 70 mijë banesa, 356 mijë banesa janë bosh

Teksa ndërtimet shtohen çdo ditë, censi nxori në pah se mbi 356 mijë banesa në Shqipëri janë bosh, të pabanuara, duke u rritur me 10% krahasuar me vitin 2011. Nga këta 170 mijë janë apartamente. Sipas të dhënave edhe pse stoku i banesave është shumë i madh në 12 vite janë shtuar 70 mijë banesa të reja.

Nga viti 2011 deri në 2023-shin vendit i janë shtuar 70 mijë banesa. Sipas të dhënave të censit të banesave rezulton se në Shqipëri në total janë 1.082.529 banesa të zakonshme, nga të cilat 47% ishin shtëpi individuale, 39.9% ishin pallate dhe pjesa tjetër ishin janë banesa pjesërisht të veçuara dhe shtëpi në rend tarracor.

Në pamje të parë duket sikur një në dy banorë të vendit ka një banesë, por në fakt e vërteta është kundërta. Censi tregoi se 356,204 banesa të pabanuara ose 32.9% e totalit, pasi nga numërimi ka rezultuar se vetëm 726.325 banesa ishin të banuara. Sipas të dhënave rreth 40% e apartamenteve, pra (170 264 apartamente) në Shqipëri nuk kishin banorë.

“Shkalla e banesave të zakonshme të pabanuara varionte nga 24,3 përqind për banesat pjesërisht të veçuara në 39,4 përqind për banesat në pallate, shtëpitë individuale dhe ato në rend tarracor ishin përkatësisht secila 29,2 dhe 29,8 përqind”, thuhet në raportin e CENS.

Kjo tregon për një stok të madh pronash të pa shitura, ndërkohë që çmimet e tyre sot kanë arritur në shifra rekord. Në këto kushte ku flitet për mijëra banesa bosh, pikëpyetja që ngrihet ka të bëjë me bumin e ndërtimeve në vend, se për kë po ndërtohet dhe a ka vërtetë blerës?

NUMRI I BANESAVE NË SHQIPËRI
Cens 2011                  1,012,400 banesa
Cens 2023                  1,082,529 banesa
Rritja                            +70,129 banesa
Nga  1 082 529 banesa në total  janë 508 643 shtëpi individuale dhe 431 858 apartamente
726 325 banesa të zakonshme të banuara - Nga këto 360 233 shtëpi individuale dhe 261 594 apartamente
356 204 Banesa të pabanuara - Nga këto 148 410 shtëpi individuale dhe 170 264 apartamente
Nga 431 858 mijë apartamente (Pallat) në total
Apartamente të banuara 261 594 
Apartamente të pabanuara 170 264 
Nga 508 643 shtëpi individuale
Shtëpi individuale të banuara 360 233
Shtëpi individuale të pabanuara 148 410

 Një tjetër konkluzion i nxjerrë ka të bëjë me madhësitë e apartamenteve. Shqiptarët jetojnë në banesa të vogla dhe të mbipopulluara, pasi 47.1% e tyre janë me madhësi 40-69 metër katror, ndjekur nga 23.7% me sipërfaqe banimi 70-99 metër katror.

Banesat e zakonshme të banuara sipas sipërfaqes së përdorshme
Nën 40 m2 -  127 552 banesa 
Nga 40 - 69 m2 -  341 983 banesa
Nga 70 - 99 m2 - 172 398 banesa 
Nga 100 -129 m  - 54 559 banesa
130 m2 e më shumë - 18 625 banesa
Nuk e di - 11 208 banesa

Afro 26.1% e këtyre banesave janë ndërtuar para vitit 1981, ndjekur nga 37.5% janë ndërtuar nga viti 1981 deri në vitin 2000, dhe 36.4% janë ndërtuar nga viti 2001. Në 82.5% të pronave të banuara familja ishte pronare, në 8% ishte me qira dhe 8.7% kishin marrëveshje tjetër banimi.

 

 

K.T./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin

Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin

30 Qershor, 12:26