Bunk'Art, vrima në bunker, simboli i
mbrojtjes nga sulmi që s'erdhi kurrë

TIRANE - Instalacionet artistike të vendosura në Bunk’Art i japin jetë mesazheve dhe simboleve të caktuara për të rrëfyer të dhëna rreth një kohe që shumë prej të rinjve që vizitojnë Bunkerin e nëndheshëm të komunizmit nuk e kanë arritur.
 
Në 106  dhomat e hapura për publikun e bunkerin antibërthor artit i është dedikuar një hapësirë e veçantë si mbartëse dhe treguese simbolike.


 
Një dhomë e veçantë i është dedikuar një instalacioni artstik të titulluar “Vrima në Bunker” dhe nëpërmjet një dritareje të thyer nga një gur si gjetje artistike tregon se një bunker ka vetëm hyrje dhe dalje, por jo dritare në mënyrë që të theksohet ideja e fortifikimit.
 
Çdo bunker ka një karakteristikë të domosdoshme. Të ketë vetëm porta hyrëse por asnjë dritare. Një dritare në fakt anullon domethënien e fortifikimit, duke e bërë më të dobët ndaj kërcënimit më të fortë që një bunker mund të pësojë. Drita e diellit.


 
Ndërkohë fluksi i vizitorëve dhe kureshtarëve për të mësuar më tepër rreth sekreteve të bunkerit të komunizmit, vazhdon të jetë i lartë çdo ditë që kalon. Vetëm fundjavën që lamë pas është shënuar një fluks me 10.000 vizitorë të moshave të ndryshme, duke dëshmuar edhe njëherë kureshjen për të mësuar rreth periudhës së errët të kohës së diktaturës.

Redaksia Online
(xh.k/Shqiptarja.com)

TAG:
• bunkart