Bunk’ Art 1 përveç se një muze i periudhës së komunizmit në Shqipëri, tashmë është shndërruar edhe në një hapësirë ku grupmosha të ndryshme mund të dëfrehen përmes muzikës rock e xhaz.
 
Këtë radhë tuneli i nëndheshëm që do të shërbente për strehimin e kokave të shtetit komuniste në rast të një sulmi bërthamor të mundshëm, do të ndizet nga muzika rok. Do të jenë rokerët më të mirë të kohës në vend do të vijojnë të performojnë falas për publikun shqiptarë muzikën rebele.
 
Këtë javë me 13 janar, Bunk’ Art 1 do të elektrizohet nga tingujt e muzikës së rokerit Erjon Zaloshnja & RockStock Band si dhe të rinjtë e grupit Static Air me black metal.
 
E ndërsa në javët në vijim në skenën e Bunk’ Art do të ngjitet Elton Deda & Band si dhe grupi muzikor shqiptar nga Kosova “Asgjë sikur dielli”.