Bunk’Art, dokumentet origjinale të
LANÇ, tërheqin kureshjen e të rinjve

Etje për të njohur ashtu siç ka qenë në të vërtetë historinë e vendit tonë… Vetëm kështu mund ta emërtonin fluksin e jashtëzakonshëm të vizitorëve në dyert e Bunkerit të nëndheshëm antibërthamor, , 0774.

Në sytë e shumë vizitorëve, sidomos moshave që kishin jetuar kohën e diktaturës ndihej një kënaqësi e veçantë që po preknin dokumentet origjinale, që dikur i jepnin të retushuara ose i linin në pluhurin e harresës vet historianët nën presionin ideologjik të regjimit hoxhist.



Mbresëlënëse janë edhe pamjet e rralla nga Çlirimi i Tiranës, nga organizimet e Çetave protagoniste të luftës Nacionalçlirimtare nga jugu në veri të vendit deri në pragun e Çlirimit. Kuratorët e ekspozitës nuk kanë lënë mënjanë edhe idealet apo përpjekjet e forcave të tjera nacionaliste që luftonin në emër të lirisë apo begatisë se vendit, dhe që kauza e tyre nuk fitoi.



Materialet arkivore rrëfejnë më së shumti se ishin partizanët dhe forcat e luftës nacionalçlirimtare që triumfuan me kauzën e tyre si forca protagoniste krahinë më krahinë e qytet pas qyteti deri në çlirimin e qytetit të fundit të Shqipërisë nga gjermanët, të Shkodrës, më 29 nëntor të vitit 1944. Ky vit u shënua si Dita e Çlirimit të Shqipërisë. Shumë vizitorë afrohen te disa dokumente dhe letra origjinale.



Duke kapërcyer të gjitha parashikimet e mundshme Bunk’Art u kthye në një event që po shoqërohet dita-ditës me fluks në rritje të vizitorëve.




Redaksia Online
(xh.k/shqiptarja.com)

TAG:
• bunkart