POP 5

Lajmet më të lexuara të 5 minutave të fundit

Kronikë

Burg 'të fortëve' që nuk lejojnë konfiskimin e pasurive! Qeveria propozon 3 deri në 7 vite heqje lirie

Të konsideruar si ‘të fortët’ të cilët edhe pse ka një vendim gjykate për konfiskim të pronave të tyre që rrjedhin nga krimi i organizuar, e që vijojnë t’i zotërojnë ato, rrezikojnë të dënohen nga 3 deri në 7 vite burgim. Ky ashpërsim dënimi i propozuar nga Qeveria e që kërkon miratimin në Kuvend me 84 vota, mësohet se është bërë pas një pjese të mirë pronash të cilat edhe pse ka një vendim gjykate për konfiskim, nuk janë shitur prej vitesh teksa dalin në ankand shtetëror, me dyshimin se personat që i kanë pasur ato në zotërim mund të kenë intimiduar blerësit e tyre.

Në një kohë kur Operacioni Forca e Ligjit ka nisur edhe sekuestrot e para të pronave të të fortëve, e që tashmë pritet një vendim gjykate për konfiskimin e tyre, Qeveria ka propozuar një ashpërsim tjetër të ligjit që të gjithë ata persona të cilët vijojnë t’i mbajnë ende ato prona në mënyrë të pajustifikuar të dënohen nga 3 deri në 7 vite heqje lirie. Kjo gjë parashikohet në një nga nenet e Kodit Penal si pjesë e paketës së ndryshimeve ligjore anti-KÇK, e që të futet menjëherë në veprim, do të duhen 84 vota në Kuvend, pra duhet të votohet jo vetëm nga maxhoranca por edhe nga opozita e re.

Report Tv mëson se ky ndryshim është kërkuar për shkak se prej vitesh, një pjesë e mirë e pronave të konfiskuara me vendim gjykate që ishin përfituar nga krimi i organizuar kanë mbetur ende të pashitura sa herë që dilnin në ankande shtetërore, pasi dyshimet janë se ‘të fortët’ apo familjarë e të afërm të tyre, mund të kenë intimiduar blerësit e mundshëm.

Vetëm në një javë veprim, OFL përveç 11 formularëve që ka dorëzuar pranë personave të dënuar apo të akuzuar për vepra të rënda penale brenda e jashtë Shqipërisë, ka kryer e një sërë sekuestrimesh në prona. E konkretisht, kompleknin “Golden” në afërsi të Shijakut, pronë e Altin Hajrit, 3 banesa dhe një karburant po në Shijak, si dhe 6 banesa në Shkodër, disa automjete, si dhe sipërfaqe të ndryshme toke në pronësi të disa krerësh grupesh kriminalë.

Sekuestro në kushtet e emergjencës u bë edhe për mjetet e blinduara në pronësi të Durim Bamit, Saimir Taullaut, Dashamir Gjokës dhe Landi Muharremit.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu