POP 5

Lajmet më të lexuara të 5 minutave të fundit

Arkiva

Burgjet private, Zoto: Po analizohen dy alternativa

TIRANË- Çelja e Institucioneve Private të Ekzekutimit të Vendimeve Penale është një çështje kohe dhe procedurash ligjore, tha të enjten gjatë një prononcimi për Agjencinë Telegrafike Shqitpare, Drejtori i Përgjithshëm i Burgjeve, Artur Zoto, i cili shtoi se lidhur me këtë po analizohen dy alternativa.
I pyetur mbi ecurinë e projektit të frymëzuar nga modeli i britanisë së madhe, Zoto theksoi se ligji është gati. "Ne kemi miratuar ligjin, tashmë mbeten vetëm aktet nën ligjore dhe për këtë duhet vetëm pak kohë", theksoi Zoto.
Drejtori i Pergjithshem i Burgjeve, Artur Zoto gjate prononcimit per ATSH-ne
Sipas Drejtori të Përgjithshëm të Burgjeve për të çelur sisteme penitenciar privat sa më efiçentë po analizohen dy alternativa. " E para mundësi është ajo e liçencimit të një pale të tretë që me financaim të qeverisë do të menaxhojë një institucion ekzistues të dënimit penitenciar, ndërsa alterantiva e dytë është liçencimi i një pale të tretë që në bashkëpunim me qeverinë do të investojë për krijimin e një sistemi penitenciar të ri. Të dyja alterantivat mund të zbatohen edhe sëbashku, por për këtë do presim miratimin e akteve nënligjore", theksoi Zoto.
Drejtori i Përgjitshëm i Burgjeve argumentoi dhe anët pozitive të privatizimit. "Ulja e kostove, menaxhimi më i mirë i burimeve dhe shmangia e burokracive të tepruara janë disa nga pikat pozitive të këtij privatizimi, pas siç dihet përmes demokratizimit të sistemeve rritet konkurenca dhe për rrjedhoi edhe efiçenca", tha Zoto, i cili shtoi se gjatë ditë së sotme ka nisur punë edhe një këshilltar Anglez, që do ndihmojë edhe në këtë proces.
Gjatë prononcimit, Zoto bëri të ditur se burgjet privarte janë model i ngritur dhe i provuar në Angli. "Janë një zgjidhje mjaft pozitive e mbipopullimit në burgje dhe rritjes infrastrukturore të IEPV-ve. Po ashtu ndihmon shumë si në sigurinë e burgjeve, ashtu edhe në kosto", përfundoi Zoto. /ATSh/

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Zgjedhjet e 14 majit, Meta: PS po kandidon drejtore që duhet të jenë në SPAK! Balla: Akuzat e tij dhe Berishës, alibi për humbjen

29 Mars, 18:30 nga Danjela Maloku