POP 5

Lajmet më të lexuara të 5 minutave të fundit

Politikë

Bylykbashi-elektoratit: Edhe pse zgjedhja që bëtë s'fitoi, ndihuni krenar për votën tuaj! Do ju përfaqësoj me dinjitet në parlament! PD do të ringrihet, e rritëm me 80%

Bylykbashi-elektoratit: Edhe pse zgjedhja që bëtë s'fitoi, ndihuni krenar për votën tuaj! Do ju përfaqësoj me dinjitet në parlament! PD do të ringrihet, e rritëm me 80%

1619792258_181265018102254923381648155020436185033991267n.jpg

I katërti në listën e PD në qarkun Durrësit, Oerd Bylykbashi pas mbylljes së numërimit të votave i është drejtuar elektoratit me një mesazh optimist, ku u bën apel që të ndihen krenarë për votën e tyre, edhe pse zgjedhja që bënë sipas tij nuk fitoi. Një një postim në Facebook përpos njohjes së zgjedhjeve, ai u premton demokratëve se PD do të ringrihet.

"Faleminderit të gjithë zgjedhësve shqiptarë që me 25 prill kuptuan drejt se Zgjedhës është më shumë se Votues. Faleminderit juve që në interes të së ardhmes së fëmijëve tuaj zgjodhët projektin tonë për ndryshim!  Edhe pse zgjedhja juaj nuk fitoi, sot duhet të ndjeheni krenarë për votën tuaj. Falenderoj nga zemra çdo zgjedhës që zgjodhi të personalizojë votën për Partinë Demokratike me emrin tim qoftë edhe pa më njohur personalisht, përtej premtimeve, pazareve dhe interesave klienteliste.  Jam i nderuar nga vota juaj", thotë ai.

Bylykbashi shkruan se ai do i përfaqësojë mbështetësit e tij në Kuvendin e ardhshëm që do të formohet në shtator dhe prmemton se do të përpiqet që gjërat të ndryshojnë për më mirë.

"Ju falenderoj që besuat në një politikë të drejtë ku rëndësi ka integriteti dhe jo pazari. Ju premtoj që do t'ju përfaqësoj si deputet i Partisë Demokratike me dinjitet dhe integritet në parlament dhe do të përpiqem modestisht që gjërat të ndryshojnë për më mirë. Unë besoj se Partia Demokratike është një emër shumë më i madh se kushdo prej nesh. E kemi nder të jemi pjesë kontribuese e saj. PD do të jetë në mbrojtje të lirive dhe të drejtave edhe kur të zëvendësohemi nga të tjerë.

Është fat të lëmë një gjurmë në librin e saj të madh. Për këtë arsye falenderoj nga zemra të gjithë anëtarët e strukturave të Partisë Demokratike dega Durrës dhe forumin rinor për punën e palodhur këto muaj. Një falenderim i posaçëm u shkon anëtarëve të strukturave të lagjeve të qytetit me të cilët pata nderin të punoj çdo ditë në këtë fushatë. Duhet të jenë krenarë që arritën të rrisin me 80% Partinë Denokratike. Ky ishte qëllimi juaj dhe i imi si kandidat përtej projekteve personale", shtoi ai.

Sipas tij më 25 prill fitoi shteti i kapur nga të fortët, oligarkët dhe politikat klienteliste.

"Sot, si 30 vjet më parë me 31 Mars 1991, ne nuk u ndeshëm me Partinë Socialiste por me shtetin padron që përdori çdo pushtet, paranë kriminale e korruptive, kontrollin kapilar si edhe presionin. Me 25 Prill fitoi shteti i kapur nga të fortët, oligarkët dhe politikat klienteliste. Partia Demokratike do të ngrihet për ta mundur këtë model ashtu siç u ngritëm 30 vite më parë, për një Shqipëri ndryshe dhe për të rinjtë që tek ne kërkojnë shpresë", shtoi ai.


Lajmi kryesor:

Ndër më të votuarit e PD, Shehaj pranon zgjedhjet: Vota juaj nuk është e humbur, do të përfaqësohet besnikërisht në Kuvend! Këlliçi: Kjo është dekada e rinisë


  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu