Çajrat bimorë dhe benefitet e tyre / Agronomi Zef Gjeta: Njerëzit kanë koncept të gabuar për çajrat

Sot në ‘’ Rreze Dielli’’ vizituam punishten e agronomit Zef Gjeta, i cili na tregoi për benefitet e cajrave të ndryshëm, si mund t’i konsumojmë ato por jo vetëm. Ai foli gjithashtu për benefitet e majltit dhe vajrave esencial.

Ai shprehet se njerëzit kanë një koncept të gabuar për cajrat, pasi njerëzit pijnë caj vetëm kur sëmuren. Por në fakt duhet të konsumojmë nga 1 deri në 4 gota çaj në ditë.

‘’ E rëndësishme është që këto cajra të mos jenë të gjithë njësoj, pra ne themi që kamomili ka efekt qetësues dhe ne jemi të axhituar, jemi të sëmurë, nuk na merr gjumi, nuk duhet të pijmë 4 çaj nga kamomili në ditë. Duhet të pijmë një caj kamomili nëse kemi këtë gjendje  të axhituar ta pijmë në darkë, në mënyrë që të japi një efekt dhe të flejmë më rehat. Por jo të pijmë katër cajra njësoj, sepse ka efektin e masës, në njërën anë të bëjnë mirë, por bëjnë keq në anë të tjera’’ thotë ai.

Po ashtu shprehet se ka disa rregulla për cajin, ku për bimët si dëllinjë, frut murrizi, mollë e egër ose rrënjë si cikore apo bimë tjetër duhet të zihen bashkë me ujin për 10 minuta.

‘’ Ndërkohë që cajrat e tjera si sherbela…. janë cajra që nuk duhet të zihen, duhet të marrim ujin e pastër, e ziejmë ujin dhe pastaj e hedhim cajin brenda. Këto gjethe i lëmë 7-8 minuta dhe I konsumojmë’’ shprehet ai.

Përndryshe këto cajra I humbin vlerat e tyre, prandaj duhet të mos zihen me ujë.

Gjethja e ullirit është një nga çajrat me më shumë benefite për shëndetin tonë. Agronomi Zef Gjeta thotë se gjethja e ullirit duhet të zihet bashkë me ujin. Ndërsa shton se është e këshillueshme që caji të pihet me mjaltë dhe jo me sheqer.

Ndërsa tregon disa kombinime cajrash që kanë shumë benefite në organizëm.

‘’ Në fakt gjithmonë është I varur edhe nga stinët, në dimër tentojmë nga cajrat që janë të përbëra nga frutat dhe rrënjët më shumë.  Kurse në stinët e tjera është një kombinim I luleve dhe gjetheve. Po marrim konkretisht këtu një caj nga boronica dhe mustaqet e misrit. Ato janë shumë të mira për rrugët urinare, për veshkat kur kemi rërë ose gurë fillestar në veshka. Boronica është cudibërëse’’ thotë ai.

Agronomi Zef Gjeta tregon edhe për bimët të cilat janë më të mira për cajra, ku ndër to vend kryesor zënë dy llojet e cajrave të malit.

‘’Dy cajrat e malit në Shqipëri si gjithë gjërat e dyzuara, caji malit I veriut dhe caji I malit I jugut. Në fakt është rigoni I kuq dhe caji I malit të jugut. Krahas dhe bashkëngjitur me të është edhe balsami, lule balsami është një lule që rritet në të njëjtat vende me rigonin. Dhe ka efekte shumë të mira në trup, antiflamtor kundër enjteve dhe infeksioneve. Po ashtu kemi edhe levandulën’’.

Ai këshillon që mjalti të përdoret në mëngjes, rreth një lugë gjelle është minimalja e masës që duhet të konsumojmë në mëngjes, por mund të konsumohet edhe gjatë ditës, ndërsa thotë se mund ta konsumojmë edhe në ëmbëlsira por jo ta përdorim gjatë pjekjes sepse humb vlerat ushqimore.

‘’ Unë përshembull kam 40 vjet që ha një rrisk bukë me mjaltë në mëngjes, kur do që cohem. Ama këshillë për njerëzit e tjerë është më mirë këshillohet I tretur, në një gotë ujë, në një qumësht dhe bie më lehtë në stomak dhe ta marrim këtë dozë. Përndryshe dhe gjatë ditës është mjaft I mirë dhe mund të përdoret I kombnuar në ëmbëlsirë gjithmonë I hedhur në fund, pasi është pjekur’’ thotë ai.  

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Tiranë, grabiti me armë një dyqan tek 'Myslym Shyri' dhe vodhi një argjendari nga tarraca, arrestohet 43-vjeçari (EMRI)

Tiranë, grabiti me armë një dyqan tek 'Myslym Shyri' dhe vodhi një argjendari nga tarraca, arrestohet 43-vjeçari (EMRI)