POP 5

Lajmet më të lexuara të 5 minutave të fundit

Sport

Lajme nga emisionet

Calja në vendin e katërt në botë në peshëngritje, flet trajneri për Report Tv: Historike për sportin shqiptar! Na penalizoi dështimi i provës së parë

Peshëngritësi shqiptar Briken Calja arriti një sukses historik ditën e sotme duke u renditur në vendin e katërt teksa ishte vetëm 1kg larg podiumit për medalje. Në një lidhje për Report Tv, Gerald Toska, trajneri i sportistit u shpreh se Calja ishte në formë fizike shumë të mirë, por u penalizua nga dështimi i provës së parë me 151 kg që nuk e ngriti dot.

Peshëngritësi shqiptar Briken Calja arriti një sukses historik ditën e sotme duke u renditur në vendin e katërt teksa ishte vetëm 1kg larg podiumit për medalje. Në një lidhje për Report Tv, Gerald Toska, trajneri i sportistit u shpreh se Calja ishte në formë fizike shumë të mirë, por u penalizua nga dështimi i provës së parë me 151 kg që nuk e ngriti dot. Sipas trajnerit Toska, një ndikim të madh për rezultatin kanë pasur edhe emocionet e Caljes, por sërisht performanca e tij ishte shumë e mirë.  

“Brikeni ishte në formë fizike jashtëzakonisht të mirë. Ne prisnim rezultat pak më të lartë se ky që mori edhe përse Lojërat Olimpike janë evente që bëhen 1 herë në 4 vite edhe janë lojërat më të forta tek sportet individuale. Ne thjesht na penalizoi një provë e parë e Brikenit me 151 kg që dështoi për shkak të emocioneve që kishte Brikeni. Por atë filloi ta korrigjonte duke mbajt 151 kg në provën e dytë por emocionet bënë të vetën dhe me 151 Brikeni dështoi sërisht. Këtë korrigjim ai e bëri me stilin e shtytjes dhe aty na dha pak zemër që u rikthye prap në lojë duke u renditur i katërti në Lojërat Olimpike edhe pse ishte 1 kg larg vendit të tretë. Performanca ishte shumë e mirë. Pritshmëritë e Brikenit ishin nga vendi i 5 në vendin e 3”, u shpreh Toska për Report Tv.

Një moment historik për sportin shqiptar e ka konsideruar edhe trajneri Gerald Toksa faktin që Brikeni u rendit i katërti duke e cilësuar atë si një hero që arriti të fitonte mes shumë shteteve të fuqishme si SHBA, Rusia e Tunizia.

“Brikeni ishte shumë mirë nga ana fizike, thjesht disa dëmtime të vogla që ka pasur gjatë seancave stërvitore, por duke e ndihmuar me fizioterapi ai arriti t’ia dalë mbanë. Ky është rezultat historik, jo për Brikenin por për komplet sportin shqiptar sepse asnjë nuk ka arritur të dalë në vendin e katërt në të gjithë historinë e sportit shqiptar. Për mua ai është hero që arriti t’ia dalë mbanë mes këtyre shteteve kaq të fuqishme si Amerika, Rusia, Tuniza e Japonia” tha Toska.

Toska ka patur edhe një falënderim për dy sportistet që i sollën Kosovës dy medalje në judo duke thënë se po i japin botës një mësim në këtë sport.

“Janë për tu falënderuar dy sportistet e Kosovës, Distria Krasniqi dhe Nora Gjakova që po i japin mësim botës në sportin e judos. Është për tu falënderuar që dolën dy shqiptare që ta na nderojnë”, vijoi Toska.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56