POP 5

Lajmet më të lexuara të 5 minutave të fundit

Editorial

Carlo Bollino: Ai gishti i mesit i Këlliçit, është e njëjta arrogancë që tregon çdo herë që flet

Këlliçi dhe bashkë me të Sali Berisha ngrenë gishtin e mesit në fytyrë të shqiptarëve të gjitha herët që nuk tregojnë respekt, sa herë nuk respektojnë inteligjencën dhe kulturën e atyre që nuk e mendojnë si ata. Dhe me atë gjest vulgar mendojnë se janë më të mirë se të gjithë.

Carlo Bollino: Ai gishti i mesit i Këlliçit, është e njëjta arrogancë që tregon çdo herë që flet

Nuk i beson syve, kur sheh atë foto me të cilën ka mbushur kryeqytetin me gishtin e mesit drejtuar kujt është përballë. Edhe unë që mendoj se Belind Këlliçi është një djalosh pa asnjë bagazh kulturor, i shndërruar në një klon të çfarëdoshëm të Sali Berishës që klonon këdo që i afrohet, besova se mund të ishte një fotomontazh. Domethënë, as unë nuk e mendova se ishte e mundur. Por në fakt është mëse e vërtetë! Belind Këlliçi beson se mund të fitojë votën e shqiptarëve duke i sharë. Një gjest që nuk ka nevojë për asnjë interpretim për t’u kuptuar, edhe nëse ai ka tentuar ta sfumojë si bëhet me skena porno kur transmetohen jashtë ambjenteve të mbrojtura. Një akt përbuzje totale ndaj kujtdo që e sheh dhe si rrjedhojë edhe ndaj kujt, me të ngjarë, e voton. Ja pse mjiëra dhe mjëra njerëz, duke perfshirë komunitetet fetare, institucionet e pavarura dhe shumë mbeshtetës politikë të tij, u skandalizuan. 

Por pas habisë së fillimit, erdhi reflektimi dhe në fund qartësia se në të vërtetë nuk ka asgjë për t’u çuditur. Këlliçi bën kështu, se kështu bën Sali Berisha prej 31 vitesh, pra në këtë mënyrë e ka mësuar të veprojë babai i tij politik. Berisha përherë përbuz atë që i del përpara, duke ''respektuar'' (sa për të thënë) vetëm shërbëtorë që e ndjek pas. Berisha përdor prej 31 vitesh gishtin e mesit (një gjest as shqiptar) çdo herë që ofendon, që kërcënon, që gënjen, çdo herë që urren këdo që nuk bëhet shërbëtor i verbër i tij. Këlliçi bën si ai. Nuk e ngre gishtin e mesit vetëm nga një pankartë zgjedhore, se deri aty as Berisha nuk ka arritur. Por ngre gishtin e mesit sa herë që gënjen, që premton atë që nuk mund të realizojë, sa herë shpif.  

Belind Këlliçi ngre gishtin e mesit sa herë betohet para pubblikut se ka dëftesë pjekurie edhe pse e di shumë mirë që nuk është e vërtetë. Ngre gishtin e mesit kur premton një tunel që e di se nuk mund ta ndërtojë. Ngre gishtin e mesit kur thotë se mund të ofrojë autobusë falas për të gjithë edhe pse e di se nuk i ka fondet për ta bërë. Ngre gishtin e mesit kur premton të ulë taksat edhe pse e di se nuk është e mundur pa i hequr një shërbim tjetër qytetarëve. Ngre gishtin e mesit kur gënjen në Parlament, apo kur bën fotografi krenar para një muzeu që i ka vënë flakën, sikur të ishte një gjest civilizimi dhe jo një akt dhune talebane.  

Këlliçi dhe bashkë me të Sali Berisha ngrenë gishtin e mesit në fytyrë të shqiptarëve të gjitha herët që nuk tregojnë respekt, sa herë nuk respektojnë inteligjencën dhe kulturën e atyre që nuk e mendojnë si ata. Dhe me atë gjest vulgar mendojnë se janë më të mirë se të gjithë. Për këtë arsye prej vitesh tashmë humbin zgjedhjet, dhe për këtë arsye do të vazhdojnë t’i humbasin përsëri. Për Sali Berishën ndoshta është vonë edhe anagrafikisht të rekuperojë, po kushedi se një ditë Belind Këlliçi, duke u rritur, do të konvertojë më në fund votat e tij të bukura universitare në kulturë të vërtetë, do të ulë gishtin e mesit dhe do të nisë të respektojë të tjerët. Ndoshta vetëm nga ajo ditë e tutje edhe ai mund të ëndërrojë të fitojë.  

Posteri i Belind Këlliçit

xy/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • minushe: 26/04/2023 10:41

    Poster me gjest te shemtuar...qe mund ta beje nje shemtir

    Përgjigju
  • Mario: 26/04/2023 09:54

    Gjest i shemtut sido qe te kete qene interpretimi i tij apo kujtdo ti jene drejtuar meqe jane edhe dy individe fundja kushdo eshte i lire te fantazoje sipas kredos se vet politike

    Përgjigju
  • Enigma: 25/04/2023 22:22

    Thjesh turp dhe vetem turp,me njëherë institucionet përkatëse duhet te veprojnë se ne te kundërt do veprojmë vet se kemi nena motra gra vajza dhe nuk mundet qe nje funderin te na ofendoj se kjo eshte ofendim per gjithe njerzit

    Përgjigju
  • Cubel breca: 25/04/2023 20:40

    Karlo s'ka problem fare, se shqipot ate do i japim me dt.14/05/23. I njohin shqipetaret me rrenje e dhemball. Shkurt ja bejn vetes. Keta mir qe jan monstra,por as nuk gdhenden.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu