Sot disa media afër Sali Berishës lidhën emrin tim me një përgjim hipotetik vjedhur në një kafene, ku përfshihet gazetari Adriatik Doçi. Një përgjim ku nuk dëgjohen asnjëherë pyetjet dhe nuk dimë akoma se sa autentik dhe i plotë është. Adriatik Doçi, për 8 orë në ditë punon për Shqiptarja.com dhe Report Tv dhe gjatë gjithë pjesës tjetër të kohës së tij, si shumë gazetarë të tjerë, punon me kë dëshiron dhe siç është lehtësisht e verifikueshme, merr pjesë dhe në shumë emisione të shumë televizioneve të tjera. Pavarësisht kësaj, u prezantua nga qehajajtë e Berishës si “gazetari i Carlo Bollinos”. Në ''përgjimin'' Adriatik Doçi duket se i shpjegon një gazetareje të re, që mesa duket i është prezantuar atij për të kërkuar punë, se si funksionon tregu i deformuar i mediave shqiptare, një deformim ndaj të cilit luftoj prej 30 vitesh. Doçi duket se i shpjegon se shumë media paguhen nga biznesmenë për të mos publikuar lajme të sikletshme. Praktikisht biznesmenët, dhe duket se kuptohet edhe ministrat, zëvendëskryeministra apo kryeministra (aktualë apo ish?), korruptojnë gazetarët për të mos u bezdisur në aferat e tyre të pista. Pra, për të mos u goditur.
Natyrisht, jam plotësisht dakord që gazetari që pranon të paguhet për të heshtur të vërtetën është fajtor, por edhe kush korrupton nuk më duket i pafaj: Si të thuash që, do të ishte e mjaftueshme që nëse këto viktima do të ishin të ndershme dhe të mos kishin asgjë për të fshehur, edhe gjobat e gazetarëve do të merrnin fund. Po këto janë konsiderata tepër të holla për inkuizitorët berishianë të cilëve nuk iu intereson as logjika, as e vërteta. Janë të njëjtët që mbrojnë pa pikë turpi një ish ministër socialist nën hetim nga SPAK për korrupsion dhe pastrim parash dhe godasin gazetarët që e demaskojnë. Duke filluar pikërisht nga Adriatik Doçi. Dhe pastaj natyrisht më godasin dhe mua sepse kështu janë mësuar të bëjnë prej 30 vitesh.
Unë nuk jam dakord as edhe me një fjalë të vetme mes atyre që mendohet se ka thënë Adriatik Doçi, duke filluar nga fakti se për një gazetar do të ishte I mjaftueshëm “perceptimi i fajësisë” për të sulmuar dikë. Për mua është e kundërta, cilado akuzë, ose duhet të jetë e provuar në dokumente, ose nuk publikohet. Nëse do të ndaleshim tek perceptimet, edhe Adriatik Doçi në ato përgjime perceptohet si fajtor, ndërsa unë dua të besoj se nuk është. Është e papranueshme edhe që dikush paguan një gazetar për t’i mbyllur gojën, edhe pse ndodh në gjithë median botërore (nga Europa në Shtetet e Bashkuara), sipas një rregulle të pashkruar, që një klient publicitar mbrohet. Por mbrojtje nuk do të thotë kurrë komplicitet me paligjshmërinë e tij. Në Shqipëri, për hir të së vërtetës ndodh edhe e kundërta: Janë biznesmenët që shpesh shantazhojnë mediat duke pretenduar heqjen e lajmeve të sikletshme duke kërcënuar me heqjen e reklamës!
Vendimi për të mos publikuar një lajm, kudo në botë, i takon vetëm botuesve, jo gazetarëve dhe kështu imagjinoj se Adriatik Doçi në atë moment ndoshta flet si “botues” i ndonjë ''portali'' që mesa duket administron nga anonimati dhe sigurisht aspak si gazetar i Shqiptarja.com apo Report TV ku kurrë asnjë gazetar dhe as ai, nuk ka marrë urdhëra dhe as mundësi për të hequr lajme të vërteta, nderkohe qe kjo ka ndodhur vetëm në rastin kur provat e pakundërshtueshme kanë treguar se ka qenë lajm i rremë. Personalisht jo vetëm që nuk i kam vënë kurrë asnjë gjobë asnjë biznesmeni dhe asnjë politikani, por edhe kur një oligark i shëndetit publik privat si Klodjan Allajbeu (financues i familjes Berisha dhe njëkohësisht koncensionar i qeverisë së Edi Ramës), guxoi të kërcënonte zyrën time të marketingut për të hequr një lajm të vërtetë, për atë të dëmshëm, ndryshe do të ndërpriste reklamën, dhashë urdhër të lihej lajmi, duke zgjedhur të humbisnim reklamën.
Ky është principi që më ka udhëhequr gjithmonë në 42 vite profesion gazetari, brenda dhe jashtë Shqipërisë dhe nuk do të jetë ndonjë portal shpifës, ndonjë palo-gazetar në mërgim apo ndonjë politikan gjobaxhi, të vërë në dyshim integritetin tim. Sa i takon Adriatik Doçit ai e di shumë mirë se cilat janë rregullat etike, profesionale dhe deontologjike që duhet të zbatohen për të punuar te Shqiptarja.com dhe Report TV. Deri tani me mua i ka respektuar gjithnjë. Por nëse ka ndryshuar ide apo profesion, do të ishte mirë të ndryshonte edhe botues.
Komente
Lajme të tjera
-
Një amnisti? A nuk rrezikon të rikonfirmojë 'de jure' dhe përfundimisht në postet e tyre politikanët e këtyre tridhjetë viteve?
29 Tetor, 16:05
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Dezinformimi/ Zake: Ka pronarë që ndikojnë në media e portale, shmangin dhe taksat! Koçi: Kemi referuar edhe raste të mediave! Braçe: Ulni fluksin e parasë informale në media
23 Tetor, 14:37 -
Mark Marku në krye të dialogut të qeverisë me median: E pranova se ma kërkoi BE! Procesi do jetë i vështirë, pas një viti çojmë pr.ligjin në parlament
23 Tetor, 10:46 -
Gazetarët investigativë nga Shqipëria dhe Maqedonia po hetojnë së bashku për herë të parë krimin ndërkufitar dhe korrupsionin
9 Tetor, 12:02 -
Andi Bushati mbrojti Berishën që dikur e akuzonte si ‘puçist’, Anila Hoxha i replikon me ironi: Ne, banda e gazetarëve snajperistë të SPAK-ut!
20 Shtator, 18:01 -
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Shoqatat e medias dënojnë sulmet e Berishës ndaj gazetarëve: Intimidim dhe shantazh, e papranueshme
19 Shtator, 12:10 -
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17
Je me i miri ne Shqiperi Carlo Bolino Te lumte dhe respekte
PërgjigjuBravo Carlo, i saktë ,i përpiktë , kurajoz dhe ide të qartë. Gjobat qe mund te kete vene Adriatiku pas pune nuk kane asnje lidhje me ato te Report TV. Pergjegjesia eshte personale.
Përgjigjufiks e ke thene; jam plotësisht dakord që gazetari që pranon të paguhet për të heshtur të vërtetën është fajtor, por edhe kush korrupton nuk më duket i pafaj. keshtu eshte edhe Rama, sepse mcgonigali ka marre leket e rames, dhe rama eshte me faj
PërgjigjuTë lumtë Carlo, si gjithmonë i saktë ,i përpiktë , kurajoz dhe ide të qartë si profesionist.
Përgjigjukarlo vellai do te jete e eger shume fushata se Likja me Sali qenin jane per jete a vdekje. Kini kujdes vella se keta i bien samarit se skane cti bejne gomarit.
PërgjigjuRespekt zoti Bollino, ju lexoj çdo dite me deshire, sapo gjej kohe te lire. Pergezime per informimin korekt ne kete vendin tone cope-cope, te marre peng nga fanet dhe bejleret pa allah.
PërgjigjuFaji është personal. Fajin e ka Berisha
Përgjigju