Kishin të drejtë si Sali Berisha, ashtu dhe Ilir Meta që bënë rekurs kundër rezultatit të votimeve në Rrogozhinë dhe që kërkuan anulimin. Ajo diferencë prej vetëm 21 votash në favor të kandidatit socialist, fituar me 14 maj, nuk mund të ishte e vërtetë. Dhe në fakt, dje u rivotua dhe diferenca u zmadhua me 1700 vota. Në provën e apelit, Berisha dhe Meta humbën pra edhe në Rrogozhinë me të njëjtën diferencë të thellë me të cilën dy muaj më parë humbën në të gjithë Shqipërinë. Për ta është konfirmimi përmes një katastrofe tjetër të vogël politike, i katastrofës së madhe të përgjithshme të përjetuar dy muaj më parë.
Ky rezultat nuk është i papritur për askënd, as për Berishën, që në fakt prej ditësh përsëriste denoncimin e zakonshëm për manipulime që e përdor prej vitesh, sa herë që në horizont sheh një shpartallim zgjedhor. Për të fituar, duhen bashkuar forcat, ndërsa bashkimi në koalicion mes Berishës dhe Ilir Metës, edhe këtë herë, konfirmohet si shuma e dy dobësive. Kjo, pa i hequr asnjë meritë triumfit personal të Erjon Veliajt, i cili e drejtoi vetë në Rrogozhinë fushatën zgjedhore, duke shpartalluar edhe këtë herë “Bashkë fitojmë” ne area qe drejton dhe duke u rikonfirmuar një figurë e fuqishme në brezin e ri të socialistëve.
Problemi që duhet të bëjë të reflektojë opozitën është se Berisha dhe Meta janë humbës shumë më shumë nga sa Edi Rama dhe Erjon Velija janë fitues. Kjo humbje e njëpasnjëshme, përbën provën e prapambetjes së tyre: Shumica e shqiptarëve në këto 30 vite është zhvilluar dhe modernizuar, ndërsa ata, jo! Kjo shpjegon se përse elektorati që i qëndron besnik, tashmë është shndërruar në minorancë të papërfillshme. Të gjithë të tjerët po ecin përpara, përtej. Ndërsa kjo është minoranca e atyre shqiptarëve që i besojnë akoma gënjeshtrat e Berishës (dhe të Metës), që u beson shpifjeve, kërcënimeve, që beson në gjuhën e dhunshme dhe vulgare si një formë beteje politike. Jo i gjithë populli opozitar është kështu, por derisa Berisha dhe Meta do të vazhdojnë të pushtojnë frontin e opozitës pa një alternativë të fortë ndaj uzurpimit të tyre, opozitarët e vërtetë nuk votojnë. Dhe sa më shumë të kalojë koha, aq më shumë populli do të ecë përpara, do të zhvillohet, do të kuptojë dhe ajo minorancë do të konsumohet duke u shndërruar gjithnjë e më shumë minorancë. Opozita e shëndetshme ka shumë hapsirë për t’u rritur. Ndërkohë, çdo humbje zgjedhore e politikanëve si Sali Berisha duhet të jetë një ditë feste, sepse tregon se sa Shqipëria po bëhet përditë e më shumë një vend modern dhe europian.
Komente
Lajme të tjera
-
Aksident në Lushnjë-Rrogozhinë/ 27-vjeçari përplas për vdekje me makinë të moshuarin (EMRAT)
9 Dhjetor, 09:31 -
Ndeshja me Partizanin, Edlir Tetova: Terreni e bën të vështirë, Egnatia kërkon tri pikët në kryeqytet
4 Dhjetor, 14:20 -
Carlo Bollino lajmëron padi për shpifje ndaj ''Syrit'' të familjes Berisha
30 Nëntor, 14:50 -
Krisje te Egnatia, sulmuesi e mbyll pas tre muajsh dhe firmos në Itali
13 Nëntor, 13:31 -
Renditja/ Besa dhe Flamurtari barazojnë 0-0, plas grushti mes tifozëve në 'Arena Egnatia'! Dy skuadra bashkëkryesojnë Kategorinë e Parë
5 Nëntor, 15:53 -
Një amnisti? A nuk rrezikon të rikonfirmojë 'de jure' dhe përfundimisht në postet e tyre politikanët e këtyre tridhjetë viteve?
29 Tetor, 16:05
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Zyrtare/ Mbrojtësi i Kombëtares, Frederik Veseli firmos me Egnatian
15 Tetor, 10:57 -
Akuzohen se abuzuan me fondet e rindërtimit, 3 nga 5 zyrtarët e bashkisë Rrogozhinë mbeten në 'arrest me burg', 2 lirohen
2 Tetor, 09:31 -
Durrës/ 78 kasolle derrash i vlerësuan si banesa! Zbardhen emrat e 5 zyrtarëve të Rrogozhinës! 353 mln lekë dëm shtetit
1 Tetor, 10:10
Zoti Bolino,ke qënë dhe vazhdon të jesh si një digë gjigande për poshtërsirat e Berishës dhe të korruptuarit Like floririt. Ke mbajtur shum kërcënime dhe shqetësime mbi shpin. Si një qytetar i thjesht Shqiptar të falenderoj me zemër.
PërgjigjuTe lumt Bolino,ti gjithmon thua te verteten dhe vlereson realitetin,jo si disa sahan lepires qe presin cfar tu hedh sali qeni dhe ilir spiuni. Perfundimi po shkojn per lesh rezultati e tregon vet.
PërgjigjuMe respekt për mendimet dhe analizat shumë të qarta .
PërgjigjuRrofsh Zoti Bolino, Per nje grup miqsh qe jetojme larg atdheut, prej kohesh, jeni vlersuar me togfjaleshin: Zeri i se Vertetes! Loni
PërgjigjuFaleminderit Mjeshter!
PërgjigjuTitulli i analizes i thote te gjitha. Mezi i presim shkrimet e Z. Bolino, i vetmi qe eshte parimor, i vertete dhe professional. Faleminderit dhe Respekt!!
Përgjigjunje titull sa njemije fjale !
PërgjigjuNJE BRAVO TE MADHE Z BOLLINO.JE NJE GAZETAR I DREJTE DHE I NDERSHEM
Përgjigju