Një mbrëmje e mrekullueshme sportive për David Neres, por u shkatërrua si pasojë e grabitjes që i ndodhi në fund të ndeshjes Napoli-Parma.
Teksa ai dhe gruaja e tij ishin në furgon për t’u kthyer në hotel, dy hajdutë thyen xhamin e automjetit dhe i drejtuan armën duke e urdhëruar të dorëzonte orën (vlera e parashikuar 100 mijë euro), gjë që braziliani e bëri menjëherë dhe më pas keqbërësit u arratisën me motor.
Më vonë Neresi denoncoi grabitjen në polici dhe u shoqërua në hotel ku e prisnin fansa të cilët nuk ishin në dijeni të asaj që i kishte ndodhur dhe për këtë arsye u dukej e çuditshme të shihnin futbollistin duke iu shmangur të gjithëve me kokën ulur.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë bashkëshortja e tij Kira Winona, një modele gjermane, i ka kërkuar falje tifozëve napolitan me një postim në Instagram.
“David do të donte t’u kërkonte falje tifozëve që e prisnin jashtë, por teksa po dilnim nga stadiumi pas ndeshjes, dy burra me motor na thyen xhamin e makinës dhe na grabitën me armë”, ka shkruar ajo.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)