Çmimet Oscar 2015, ja cilët janë
pretendentët për statujën e artë

Vetëm një muaj na ndan nga edicioni i radhës së ndarjes së çmimeve Oscar, çmimet më prestigjioze në fushën e kinematografisë. Tashmë janë përzgjedhur edhe të nominuarit në kategoritë e ndryshme të këtyre çmimeve.

Në kategorinë e aktorëve më të mirë është listuar Steve Carell me rolin e tij tek filmi Foxcatcher, Bradley Cooper në filmin American Sniper, Benedict Cumberbatch i cili luan në prodhimin kinematografik “The Imitation Game”, Michael Keaton në Birdman or (The Unexpected Virtue of Ignorance) si dhe Eddie Redmayne tek filmi “The Theory of Everything”.

Ndërkohë në kategorinë aktorja më e mirë femër  janë listuar emra si  Marion Cotillard në filmin “Two Days, One Night”, Felicity Jones tek “The Theory of Everything”, Julianne Moore në filmin “Still Alice”, Rosamund Pike tek “Gone Girl”, dhe Reese Witherspoon në filmin “Wild”.  

Ndërkohë  në prodhimet kinematografike të listuara janë Birdman or (The Unexpected Virtue of Ignorance) The Grand Budapest Hotel Ida Mr. Turner dhe Unbroken.



Redaksia Online
(xh.k/shqiptarja.com)