Celibashi: Kanë ardhur 29 denoncime! 2 nga PS për Boçin e Këlliçin, 1 nga Komiteti i Helsinkit, 1 nga BF dhe 24 nga qytetarët për shkelje të heshtjes dhe parregullsi

 

Kreu i KQZ, Ilirjan Celibashi ka bërë me dije ecurinë e procesit të votimit duke treguar se ka pasur 29 denoncime. 4 vijnë nga 2 subjekte zgjedhore, 3 nga PS dhe 1 nga Bashkë Fitojmë.

Ka një denoncim nga Komiteti Shqiptar i Helsinkit për parregullsi në shpërndarje materiale që i përket orëve të para të fillimit të procesit të votimit.

"24 denoncime nga qytetarë të ndryshëm. Bashki që në mënyrë të përmbledhur që janë prezantuar si me probleme, Tirana, Elbasani, Durrësi, Dropulli, Konispoli, Lezha, Peshkopia dhe Tropoja. Në referim të përmbajtjes kryesisht lidhen me parregullsi gjatë ushtrimit të detyrës nga ana e komisionerëve, korrupsion pasiv ose aktiv në procesin e votimit. Në Dropull lidhet me procesin e votimit, në Peshkopi dhe Tiranë për intimidim të votuesve, postime elektorale në rrjete sociale. Këto janë natyra e denoncimeve dhe e fundit lidhet me votimin familjar. Ka denoncime mbi votim familjar në disa qendra votimit", tha Celibashi.

Lajmi kryesor:

Persona të paautorizuar në qendrat e votimit, Celibashi: Konsiderohet intimidim dhe presion, të largohen menjëherë! Votim elektronik me probleme? Spekulim

A.M./LR/Shqiptarja.com

TAG:
• ilirjan celibashi
• zgjedhjet vendore 2023
• kqz