'25 prilli', Celibashi paralajmëron numëruesit: Bëni kujdes, hapim çdo kuti që kërkohet për verifikim! Shpresoj mos të 'urdhëroheni' të lodheni (Video)

Kryekomisioneri i Komisionit Qendror të Zgjedhjeve, Ilirjan Celibashi,ka konfirmuar ditën e sotme mbërrijnë në vend fletët e votimit edhe për 2 qarqet që kishin mbetur. Sipas tij printimi i fletëve të votimit është bërë 2 ditë para pritshmërive. Celibashi paralajmëroi komisionerët, që do të angazhohen në procesin zgjedhor, se do të përballen me sanksione të rënda.

 “Në lidhje me sigurinë e procesit do të sjell disa gjëra në vëmendje të publikut, për të konfirmuar që çfarë KQZ ka bërë, janë të tilla që sigurojnë procesin zgjedhor dhe vullnetin e votuesve. Jam i sigurt që procesi, veçanërisht ai i nxjerrjes së rezultatit, nuk do të ketë probleme. Komisionerë, të cilët do të angazhohen në këtë proces, janë të ndërgjegjësuar për të gjitha penalitetet që do të kenë, nëse sjellja e tyre do të jetë në kundërshtim me detyrën që ka. KQZ nuk do të tolerojë në asnjë mënyrë dhe për asnjë rast asnjë komisioner, që do të vërë në provë forcën e ligjit për çdolloj arsye.

Ka sanksione shumë të ashpra ndaj atyre që përpiqen të cenojnë integritetin e votës së qytetarëve. Do të kemi gjithë vëmendjen për të evidentuar të gjitha këto raste dhe për të reaguar në përshtatje me ligjin. Kem marrë të gjithë masat që procesi i nxjerrjes së rezultatit, e para të përfundojë sa më shpejt, si dhe të përfundojë sa më shpejt.

LEXO EDHE:
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik

Ka një gjë që dua ta sjell në vëmendje. Me dispozitat e reja të Kodit Zgjedhor është sanksionuar e drejta e çdo subjekti, që të kërkojë hapjen e kutive. Ata që do të jenë përgjegjës për këtë ka penalitet shumë të rënda, 1-7 vite burg. Do ta theksoj këtë për t’i hequr çdokujt interesin dhe dëshirën që gjatë procesin të nxjerrjes së rezultatit të demonstrojë në tabelën e rezultatit një rezultat të ndryshëm. Pasi vetë KQZ do t’i hapë ato fletë dhe do të bëjë rivlerësim të tyre”, tha ai.

Pyetjes së gazetares së Report Tv, Danjela Maloku, nëse janë marrë masat për të zëvendësuar komisionerët apo numëruesit që mund të lodhen apo sëmuren me COVID, Ilirjan Celibashi, dha një përgjigje me një 'kunj' partive politike.

"Shpresoj që të mos urdhërohen të sëmuren dhe të lodhen. Jam i sigurt se nëse nuk do të jetë presioni do ta bëjnë shumë mirë procesin e numërimit dhe të ndikuar vetëm nga ligji", tha ai.

Në bashkëbisedimin me gazetarët, Kryekomisioneri Shtetëror i Zgjedhjeve, Ilirjan Celibashi ka komentuar edhe ngjarjen e ndodhurmbrëmë në Kavajë, ku mbeti i plagosur një person në një zyrë elektorale të PD-së. Celibashi apeloi se udhëheqësit politikë kanë shumë në dorë, dhe i ka kërkuar Ramës, Metës e Bashës që të jenë sa më të qetë duke u afrua zgjedhjet.

Sa i përket vendimit që do të futen në karantinë të gjithë të ardhurit nga Greqia dhe Maqedonia e Veriut, duke mos mundur të votojnë, Celibashi nuk pranoi të bënte ndonjë koment.

Rendit zhvillimet sipas orarit:

Të Fundit Të Parat

K.T./Shqiptarja.com

TAG:
• kqz
• fletet e votimit
• ilirjan celibashi
• zgjedhjet parlamentare 2021