Në mbledhjen e grupit të PS, Kryeministri Edi Rama foli edhe për hetimet që ka nisur SPAK për AKSHI-n dhe ish-drejtuesen, Mirlinda Karçanaj, e cila ndodhet aktualisht në masën arrest shtëpie. Kryeministri Edi Rama tha se çdo person ka të drejtën të prezumohet i pafajshëm dhe t’u jepet mundësia të hetohen si njerëz të pafajshëm deri kur të provohet fajësia e tyre. “Po sikur Mirlinda të jetë e pafajshme dhe jo një kriminele pjesë e një grupi të strukturuar. Çfarë fiton pastaj shteti”, pyeti kryeministri Rama.

“Sot ndodhet në arrest shtëpie, s’dua të them asnjë fjalë për përmbajtjen e çështjes, por di të them një gjë, që ky shtet nuk mund të jetë vendi ku një institucion krenarie kombëtare i ngritur me vite dhe i duartrokitur ndërkombëtarisht të bëhet sheh për të mbytur psikologjikisht inxhinierë që me në krye drejtoren e atij institucioni kanë punuar pa orar. E kundërta është e vërtetë, të dyja duhen bërë, të dyja mund të bëhen, njerëzit kanë të drejtën të prezmuohen të pafajshëm dhe t’i jepet mundësia të hetohen si njerëz të pafajshëm deri kur të provohet fajësia e tyre. Po sikur Mirlinda të jetë e pafajshme dhe jo një kriminele pjesë e një grupi të strukturuar. Çfarë fiton pastaj shteti dhe çfarë mesazhi marrin ata që çuna të kontribuojnë për këtë shtet. Këtu flasim se si shteti i garanton lirinë dhe të drejtën e punës dhe të marrjes së vendimeve, natyrisht garanton të gjithë që cilido që me vendimet e veta realizon qëllime të fshehura, nuk është i pandëshkueshëm”, tha Rama.


Lajmi kryesor:

Grupi i PS/ Pritet raporti për imunitetin e Ballukut! Rama ‘lumë’ kritikash drejtësisë: Nuk bëhem pishman, reforma investim i yni (VIDEO)