'Çfarë fituam?' Salianji kundër negociatave PS-Rithemelimi: Ul besueshmërinë e opozitës në shoqëri

 

Deputeti Ervin Salianji është shprehu kundër negociatave në Kuvend mes PS-së dhe Rithemelimit. Sipas tij me këto negociata ulet besueshmëria e opozitës në shoqëri.

'Nëse ne kthehemi në normalitet, ne rikthehemi për shkak të vendimarrjes sonë nëse i shërben interesit publik. Sot të drejtat e opozitës janë më të kufizuara. Jemi në kushte kur ka ndryshuar rregullorja e Kuvendit. Jemi në kushte të papranueshme të ligjit të Komisioneve Hetimore që kufizon të drejtën e Hetimit Parlamentar. A ka nja dy tre muaj që Rama thotë me ligjin e ri merrini  8 komisionet hetimore. Nuk mund të bërtas për fitore kur Rama thotë merr 8  dhe ne marrim 2. Kufizimi që bëhet me dy anëtar është prapë një hap prapa. Nëse komisioni kishte gjithë përfshirje tani janë vetëm dy palët.

LEXO EDHE:
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit

Nëse themi se ndjekim rruga radikale, ne nuk bëhem lavjerrës siç është bërë gjithnjë. Koha do të na konfirmojë që me Ramën asgjë nuk ndodh. I gjithë faktori ndërkombëtar ka kërkuar normalizimin. Nuk mund t’ja japim si bonus. Ne e kemi patur të drejtën dhe e kemi refuzuar. Çfarë kemi fituar? Kjo marrëveshje na ul besueshmërinë dhe ndikon negativisht në perceptimin e opozitës në shoqëri.

Këtu nuk ka asnjë krisje. Bashkimi i grupit ka tjetër ndikim. Bashkimi i demokratëve solli një protestë. Gjithçka që ka të bëjë me lëvizje në parlament. Ka patur diskutim që ky komision do të jetë për reformat.', tha Salianji.

Lajmi kryesor:

Ngecin negociatat, shtyhet Konferenca e Kryetarëve! Bardhi: Shkak objekti i ‘hetimoreve’, s’ka marrëveshje me Ramën! Salianji kundër: Ul besueshmërinë e opozitës

G.K/r.k./Shqiptarja.com

TAG:
• ervin salianji
• PS
• PD
• Rithemelimi
• gazment bardhi
• TIMS