Slloveni Dalibor Volas, i cili kishte arritur marrëveshjen me të kuqtë që më 7 korrik, u prezantua këtë të hënë nga klubi sai përforcimi i radhës i merkatos.
29-vjeçari është vënë mënjeherë nën urdhrat e italianit Adolfo Sormani, që ka planifikuar ta aktivizojë titullar ndaj kampionëve të Hungarisë.
Gjithsesi vendimin përfundimtar trajneri i të kuqve do ta marrë pas seancën së fundit stërvitore. Volas gjatë 2016 është aktivizuar në Malajzi në radhët e Pehang, skuadër me të cilën ka shënuar 6 gola në 12 ndeshje të kampionatit të këtij vendi.
Gjatë karrierës së tij ka qenë pjesë e Koperit dhe Mariborit në Slloveni, Sherifit të Tiraspolit në Moldavi apo Debrecenit në Hungari, ku i ka shënuar madje edhe Ferencvarosit, kundërshtarit të Partizanit në Champions.
Redaksia Shqiptarja.com