POP 5

Lajmet më të lexuara të 5 minutave të fundit

Sport

Champions/ Rikthehet finalja e sezonit të kaluar, Bayern pret Paris SG! Neymar: Jam i fiksuar pas fitores (VIDEO)

Champions League rikthen sonte finalen e sezonit të kaluar pasi përballë do vihen Bayerni dhe Paris SG. Sfidën mbi të tjerët e ka ndezur Neymar, që para ndeshjes ka deklaruar se është i fiksuar me fitoren. Ndërkohë po sonte për fazën çerekfinale do të zhvillojnë përballjen e parë Porto me Çelsin.

Akti që mbyllli sezonin e kaluar të Champions League rikthehet sonte për fazën çerekfinale pasi Bayern pret në Allianz Arena Paris SG. Një ndeshje që padiskutim karakterizohet edhe nga ndienja e hakmarrjes, pasi me golin e Coman gjermanët i morën vitin e kaluar trofeun francezëve.

Këta të fundit, që janë në drejtimin e Pochetino-s, kanë sonte në përballjen e parë shumë mungesa. Verrati dhe Florenzi ende s’e kanë kaluar COVID-in, ndërsa Paredes është me kartona. Në listën e të padisponueshmëve është edhe Bernat i dëmtuar, ndërsa në diskutim janë Icardi, Pereira dhe Kurzawa.

Mungesat do t’i vuajë edhe Flick te Bayern-i, pasi përveç Gnabry-t që është i infektuar, mungojnë për shkak dëmtimi Dagllas Costa, Tolisso dhe mbi të gjitha Robert Lewandowski, që do të zëvendësohet nga Choupo Moting, i cili sezonin e kaluar luante te Paris SG.

Gjithsesi spektakli është i garantuar, pasi te Bayern në sulm janë Sane dhe Coman, ndërsa nga ana tjetër Mbappe e Neymar, më këtë të fundit që në rrjetet sociale ka shkruar se ‘është i fiksuar me fitoren’.

Ndërkohë ndeshja tjetër çerekfinale është mes Porto-s dhe Chelsea-s, e cila do luhet në Sevillie të Spanjës. Skuadra angleze vjen pas një humbje të turpshme në Premier League, ndërsa Porto pas 5 fitoreve në kampionat. Në prag të sfidës trajneri i Chelsea Thomas Tuchel ka deklaruar se londinezët duhet të fokusehen vetëm te forca e tyre, ndërsa me përqendrimin do të vijë edhe rezultati. Të dy ndeshjet kanë sonte aktin e parë, ndërsa biletat për në gjysmëfinale pritet të cakton në sfidat e kthimit.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55