‘Boxing Day’ në Premier League, ose dita e ndeshjeve pas Krishtlindjeve, ka prodhuar rezultate mjaft surprizë. Chelsea pak ditë pas fitores me Tottenham është mposhtur në Londër me rezultatin 0-2 nga Southampton, që ka marrë një trepikësh mjaft të rëndësishëm për mbijetesë. Në Stamford Bridge golat u shënuan në dy fraksione të ndryshme të lojës. Në pjesën e parë të besuarit e Lapmpard i ndëshkoi Obafemi, ndërsa në fraksionin e dytë të lojës realizoi Redmond.
Ndërkohë te fitoret pas humbjes me Chelsea-n është rikthyer Tottenham, skuadra e drejtuar nga Mourinho. ‘Spursat’ në ndeshjen e sotme kanë fituar 2-1 me përmbysje në Londër kundër Brighton. Të parët në avantazh kaluan miqtë me golin e Ëebster, ndërsa ‘gjelat’ përmbysën falë Kane dhe Dele Alli.
Me barazim ka nisur aventura e Mikel Arteta-s te Arsenal pasi ‘topçinjtë’ nuk kanë shkuar më shumë se rezultati 1-1 në ndeshjen kundër Bournmouth. Fillimisht realizuan vendasit me Gosling, ndërsa për Arsenal barazoi Aubameyang.
![](https://shqiptarja.com/template/img/NO_ALFA_Kuadrate shqiptarja.png)
Ndërkaq me fat ka qenë Anchelotti në ndeshjen debutuese me Everton. ‘Toffies’ kanë marrë tre pikët falë rezultatit 1-0 që erdhi si pasojë e golit të realizuar nga Calvert-Leëin 10 minuta para fundit të lojës.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)