Çifti i balerinëve shqiptarë rrëfejnë historinë e tyre të dashurisë

Çifti i balerinëve Manjola Hasani dhe Ezdalin Gorani kanë rrëfyer historinë e dashurisë së tyre.

Ata gjithmonë nuk kanë pranuar ta ndajnë me publikun jetën e tyre personale, por të rrëfejnë vetëm jetën artistike.

Të ftuar në emisionin “Rudina”, Ola dhe Ezdalini kanë rrëfyer se janë njohur me njëri-tjetrin në moshën 10-vjeçare, kur të dy ndiqnin të njëjtën shkollë.

Ata rrëfyen se historia e tyre e dashurisë ka nisur si një lojë, në shfaqjen në teatër ‘’Hirushja’’, ku ata luanin rolin e mbretit dhe mbretëreshës.

Më pas ajo u shndërrua në një përrallë të vërtetë dhe sot  ata janë prindër të dy fëmijëve, vajzës 9-vjeçare, të quajtur Olesia dhe Oenit, 2 vjeç.

Ola tregoi se nuk dëshiron që në asnjë mënyrë fëmijët e saj të merren me balet, pasi është profesion i vështirë dhe pa fitime të mëdha.

Ezdalini tregoi se çfarë e tërhoqi tek Ola gjatë kohës që ishin më të rinj.

“Më tërhoqi pamja dhe serioziteti. Ola është e kundërta ime pasi unë kam qënë shumë tip impulsiv. Mesa duket të kundërtat funksionojnë më mirë bashkë”, u shpreh Ezdalini.

Ola nga ana tjetër tha se nismat dhe besimi janë gjërat që i pëlqejnë më shumë tek bashkëshorti i saj.

Foto nga familja e tyre

TAG:
• Manjola Nallbani
• historia e dashurise
• Ezdalin Gorani