Bën 'naze' për ushqimin! Çmendet i moshuari në Kukës, kërcënon të vrasë me çifte familjarët dhe nipin: Do i vë flakën shtëpisë!

Bën 'naze' për ushqimin! Çmendet i moshuari në Kukës, kërcënon të vrasë me çifte familjarët dhe nipin: Do i vë flakën shtëpisë!

KUKES - Një 79-vjeçar u arrestua nga Policia në Kukës pasi ka tentuar të vrasë familjarët e tij dhe t'i vërë flakën banesës me benzinë. Ngjarja e rëndë fatmirësisht është parandaluar nga policia.

I.S., 79 vjeç, banues në fshatin Kalimash ka shkatërruar orenditë e banesës, ka ushtruar dhunë psikologjike ndaj familjarëve dhe nipit dhe më pas i ka kanosur me çifte, si dhe ka tentuar të djegë shtëpinë me benzinë.

Shqiptarja.com u interesua për ngjarjen, dhe mësoi se 79-vjeçari jetonte pa gruan, e cila kishte ndërruar jetë, ndërkohë që në momentin e kanosjes, në banesë ndodhej djali i tij me nusen, nipi dhe prindërit e nipit. I moshuari kishte konsumuar alkool, dhe mësohet që motiv për ngjarjen e rëndë të jetë bërë fakti që nuk i ka pëlqyer ushqimi që ishte gatuar për të.

Por falë njoftimit në kohë të policisë dhe mbërritjes menjëherë në vendngjarje të inspektorit të Policisë së Zonës, i cili në bashkëpunim me familjarët i kanë marrë çiften dhe shishen e benzinës të moshuarit, duke e vënë në pranga.

Policia thotë se në cilësinë e provës materiale u sekuestrua arma e gjahut (çifte), disa fishekë, një shishe benzinë dhe  një çakmak.

I moshuari do të hetohet nga Prokuroria e Kukësit, për veprat penale "Dhuna në familje", "Kanosja" dhe “Shkatërrimi i pronës e mbetur në tentativë".

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ,,,: 17/07/2019 14:03

    Çojeni ne psikiatri se ka nevoje per ilaçe

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet