POP 5

Lajmet më të lexuara të 5 minutave të fundit

Ekonomi

‘Çmendet’ tregu, nuk gjendet shtëpi me qira në Tiranë poshtë 350 euro! Të huajt blejnë prona! Eksperti: Po shtrenjtohet edhe periferia!

Sipas Bankës së Shqipërisë, shtrenjtimi i apartamenteve nuk do të ndalet as në muajt e ardhshëm. Nga një anketim i bërë me agjencitë imobiliare, evidentohet fakti se vetëm në qendër të Tiranës çmimet janë rritur me 29% dhe tashmë nuk ka qira poshtë 350 euro. Shkaku kryesor shihet te kërkesa e lartë dhe kostot e rritura

“S’ka qira më poshtë 350 euro”, thotë eksperti i pasurive të paluajtshme Ervin Demirxhiu.

Ky është normaliteti i ri në tregun e pasurive të paluajtshme, ku çmimet e qirave edhe në periferi të Tiranës, kanë kapërcyer në 300 euro.

Banka e Shqipërisë thotë se ky trend rritës nuk pritet të ndalet. 70% e agjencive imobilare pjesë e një anketimi të bërë nga banka qendrore thonë se çmimet do të jenë të qëndrueshme, 26% pohojnë se do të rriten dhe vetëm 4% presin ulje.

“Çmimet e apartamenteve që vazhdojnë të rriten normalisht vjen si pasojë e kërkesave që ka. Tirana dhe bregdeti kanë shumë kërkesa për blerje. Kostot po rriten çdo ditë, vuajnë realisht shumë mungesën e fuqisë punëtore ndërtuesit. Ato po paguajnë më shumë për fuqinë punëtore dhe është normale që do të përkthehet në çmim”, thotë eksperti.

Superitja rreth qendrës së Tiranës me 29%, po orienton tregun në zonat periferike, ku dhe atje çmimet janë të larta.

“Është normale që të rriten çmimet në periferi, pasi kush e ka të pamundur të blejë në qendër sigurisht do ti drejtohet periferisë. Për këtë arsye ka një rritje të madhe kohët e fundit”, tha Demirxhiu.

Ajo çfarë ka bërë diferencën në 6 muajt e parë të këtij viti, ka të bëjë edhe me blerjet e larta nga atë huajt. Banka e Shqipërisë thotë se 14% e pronave të shitura janë blerë nga të huajt.

“Apartamentet i blejnë të gjithë. Blejnë shqiptarët nga gjithë vendi, blejnë shumë të huajit, për investime, e shikojnë si një treg me potencial. Ndoshta për ne çmimet janë të larta por për një gjerman, polak apo italian është një treg i favorshëm”, tha Demirxhiu.

Në rang vendi çmimet e apartamenteve janë rritur me 11.6%, dhe si pasojë e këtij shtrenjtimi 40% e pronave janë blerë me kredi bankare.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mashtrimi: 10/10/2023 04:26

    Ju kan ngel stock ndertimet e nuk po i shisni dot. Prandaj ky lajm i rrem

    Përgjigju
  • Gabim: 09/10/2023 20:16

    Tani qe po ikin studentet nga qeraja larte per 4-9 vite kemi falimentim masiv bisnes vogel ! Duhet qe kush jep qera student mos jepet me shume sesa 200€ muaj per 50-60m2

    Përgjigju
  • sajmir: 09/10/2023 19:49

    Mos e vrisni mendjen se do i blejn pleqte qe kan ngelur,ishalla stot i mbanni mks ju shitshin s epo tallni trapin me ate popull te vuajtur qe jemi

    Përgjigju
  • drini: 09/10/2023 16:56

    Po , i perzini nga shqiperia edhe ata te rinje qe kane ardhur nga rrethet , kane marre shtepi me qera dhe punojne ne Tirane. Kjo do ta boshatis fare shqiperine nga shqiptaret dhe do ta mbushi me te huaj.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23