Receta

Çorbë me thjerrëza nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Shkurt, 12:16 | Përditesimi: 29 Shkurt, 12:19

Çorbë me thjerrëza

Përbërësit:

500 gr thjerrëza
1 kokërr qepë
1 thelpi hudhër
150 gr sallam
1 lugë gjalpë
1 lugë miell
Piper i kuq speci
Kripë, piper i zi
Pak uthull ose salcë domate

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Thjerrëzat i lajmë dhe i lëmë në ujë të ftohtë 7-8 orë para zierjes. Pas kësaj kohe, derdhim ujin, i vendosim në ujë të pastër, vendosim qepën e pastruar dhe hudhrën dhe i lëmë të ziejnë. Pasi të jenë zier thjerrëzat mund ti kalojmë në sitë ose i bluajmë në blender, ose mund t’i lëmë dhe ashtu siç janë. Në enë për çorbë, kaurdisim me yndyrë miellin dhe specin e kuq, shtojmë sallamin të prerë në copëza, më pas hedhim thjerrëzat e shtypura, i përziejmë dhe hedhim pak ujë ose lëng e mishi. E lëmë çorbën të ziejë për rreth 10 minuta, rregullojmë shijen dhe sipas dëshirës mund të shtojmë dhe pak uthull, ose pak para përfundimit të zierjes shtojmë pak salcë domatesh.

MC/Shqiptarja.com

TAG: