Ministria e Drejtësisë ka raportuar se në 4 muajt e parë të vitit, ku rreth dy prej tyre i takojnë gjendjes së fatkeqësisë natyrore janë krijuar pengesa në disa objektiva. Një prej tyre është ajo për kompensimin e ish-pronarëve ku distancimi social ka bërë që të mbylleshin për një kohë zyrat për shërbim fizik ndërkohë që nuk ka qenë e mundur tërheqja e fondeve nga dega e Thesarit në Bankën ë Shqipërisë.
“Buxheti i rishikuar për programin e Shërbimit të Kthimit dhe Kompensimit të pronave është 3,737,496,000 lekë. Realizimi i fondeve në shpenzime personeli 85%, vjen si rezultat i 25 vendeve vakante në organikën e Agjencisë së Trajtimit të Pronave, ndërsa për shpenzimet operative 67%. Në zbatim të Udhëzimit nr.14,datë 24.03.2020 shumë fatura nuk janë likuiduar, si rezultat kemi një përqindje të ulët të realizimit të shpenzimeve operative. Në lidhje me fondin e Kompensimit tërheqja e tij nga dega e thesarit në Bankën e Shqipërisë, nuk është kryer për shkak të situatës së krijuar nga COVID 19” thuhet në relacionin e Ministrisë.
Sa i takon produkteve në vijim ministria pranon se janë të paktën katër të cilët shihen me prioritet sa i takon pjesës së kthimit dhe kompensimit të pronave. Së pari shpërndarja e fondit fizik dhe financiar.
“Janë planifikuar 175 subjekte dhe janë realizuar 175. Nga fillimi i muajit Mars është bllokuar procesi i aplikimeve për kompensim, me urdhër të Ministrisë së Shëndetësisë dhe Mirëqenies Sociale për mbylljen e sporteleve në shërbim të qytetarëve dhe vijimin vetëm të shërbimeve online” vlerëson Ministria.
Produkti i dytë është ai i vendimeve të ankimuara në Gjykatë. “Është planifikuar 451 dhe nga vendimet e nxjerra janë ankimuar 451 vendime, ky produkt është realizuar plotësisht. Ju informoj se në 4-mujorin e parë të vitit 2020, nga Sektori i Përfaqësimit Ligjor janë ndjekur 102 çështje të cilat janë regjistruar pranë ATP-se gjatë kësaj periudhe.
Në gjykate janë ndjekur çështje që kanë të bëjnë me njohjen e të drejtës së pronësisë dhe vlerësimin e pronës së njohur për kompensim. Referuar të dhënave të raportuara rezulton se fluksi i padive ka pësuar ulje.
Gjithashtu gjatë kësaj periudhe në këtë sektor janë administruar 349 padi nga të gjitha gjykatat e vendit ku përfaqësuesit e ATP-së pavarësisht se nuk kanë marrë pjesë fizikisht kanë kryer procedurat në mënyrë shkresore përfshirë ankimet dhe rekurset kur ka qenë e nevojshme” shpjegon relacioni.
I njëjti ndalet edhe tek realizmi i produkteve “vendimet për oborret në përdorim” dhe “shpërndarje e fondit fizik nga ALUIZNI” ku të paktën për të dytin është vënë re ulje e numrit të aplikimeve për shkak të situatës./Monitor
Lajme të tjera
-
Pr.buxheti 2025, Manja: Do të mbyllen burgjet e trashëguara nga komunizmi, paraburgim i ri në Kukës! Edhe sisteme antidron
8 Nëntor, 12:11 -
Drejtësia refuzoi ‘Antikorrupsionin’, Manja: Një prokuror s’mund të atashohet në komision, do japin ekspertizë! Mikrokreditë? Ndryshime ligjore për shërbimin përmbarimor privat
14 Tetor, 15:01 -
U hiqet licenca 11 noterëve, Manja njofton aksionin
7 Shtator, 16:28 -
Kërkoi të lirohej nga izolimi në 41 bis, GJKKO rrëzon kërkesën e të burgosurit Erion Veizaj
31 Korrik, 19:46 -
Manja pret gjyqtarët dhe prokurorët amerikanë: Jetësim i plotë i reformës në drejtësi
10 Korrik, 18:55 -
Ministria e Drejtësisë kërkon shërbim konsulence për luftën kundër kriminalitetit! Rama autorizon Manjën të nisë negociatat me 'G37 Chambers' në Londër
20 Qershor, 09:42 -
‘Ligjet’/ Çupi-Manjës: Shqipëria ka nevojë urgjente luftën kundër korrupsionit! Ministri: Ne bëmë Reformën në Drejtësi
10 Maj, 13:42 -
Rekomandimet e qeverisë për SPAK dhe Prokurorinë! Manja: Prioritet lufta kundër krimit organizuar dhe korrupsionit, shmangni çdo lloj influence
3 Maj, 11:10 -
Përfituan nga amnistia, burokracia ‘mban peng’ të burgosurit në Fushë Krujë! Familjarët thirrje Manjës për zgjidhje
25 Prill, 20:43
-
Zbatohet Amnistia Penale! Hapen dyert e burgut për 780 të dënuar, ulje dënimi për 800 të tjerë! Manja: S'përfitoi asnjë zyrtar i lartë
24 Prill, 13:26 -
Mungojnë përkthyesit për gjuhët e rralla, ndryshon ligji! Ministria e Drejtësisë: Objektiv, 0 individë të papërfaqësuar
15 Prill, 18:51 -
Izolohet për 1 vit në regjimin e posaçëm 41Biss, Fatmir Pjetri, anëtari i bandës së babagjyshëve
5 Prill, 21:31
