980 vdekjet e raportuara në 24 orët e fundit në Mbretërinë e Bashkuar kanë tejkaluar numrin më të madh të viktimave të regjistruara në ditët më të këqija të Italisë dhe Spanjës gjatë kësaj pandemie, ku në Itali shifra më e lartë ka qenë 919 kurse në Spanjë 950.
Ndërsa këto dy vende tani po shohin se shifrat e vdekjeve çdo ditë po bien, Mbretëria e Bashkuar po e mbyll javën më rreth 1000 viktima por numri mund të jetë edhe më i lartë pasi shumë vdekje dyshohet se ende nuk janë raportuar.
![](https://shqiptarja.com/template/img/NO_ALFA_Kuadrate shqiptarja.png)
Për autoritetet gjendja në spitale është e stabilizuar dhe ka akoma shtretër bosh në pavionet e kujdesit intensive. Gjithsesi autoritetet e shëndetësisë I kanë bërë thirrje britanikëve të raportojnë për çdo rast të dyshuar që ka simptoma të koronavirusit.
Shpresa është tani që masat për distancimin shoqëror do të kenë të njëjtin efekt si bllokimet e Italisë dhe Spanjës, dhe numri i vdekjeve do të fillojë të ulet në ulet në javët në vazhdim.Gjithsesi ende askush nuk e di se kur pandemia do ketë pikun e saj.
Ndërkohë gjendja e kryeministrit Boris Johnson, i shtruar prej rreth një jave në spital pasi gjendja e tij shëndetësore u përkeqësua nga infeksioni i Coivid-19 prej tre ditësh ka dalë nga kujdesi intensiv dhe autoritetet thonë se gjendja e tij është e stabilizuar.
“Kryeministri është në gjendje të mirë. Po trajtohet me kurat e nevojshme dhe ka humor të mirë, bile disa herë është ngritur nga shtrati dhe ka lëvizur nëpër dhomë”- tha zëvendësuesi i ti, Ministri i Jashtëm britanik Dominic Raab
Lajmi kryesor:
Covid-19, në Itali regjistrohen 619 viktima. Mbi 100 mijë të vdekur në botë! Tragjike, në SHBA 2108 viktima në 24 orë
![](https://www.shqiptarja.com/template/img/sh_logo1.png)