POP 5

Lajmet më të lexuara të 5 minutave të fundit

Ekonomi

COVID-19 nuk shtyn tenderat për rindërtimin, APP: Janë të domosdoshëm

Agjencia e Prokurimit Publik ka sqaruar se tenderat e rindërtimit nuk do të shtyhen dhe do të vijojnë normalisht.

Tenderat e rindërtimit nuk do të pezullohen as shtyhen pavarësisht se Agjencia e Prokurimit Publik ka njoftuar se do të shtyheshin të gjithë tenderat që nuk kishin lidhje me nevojat për shkak të situatës së COVID-19. Njoftimi është bërë i ditur nga ana e APP-së e cila në një sqarim thotë se “duke pasur në konsideratë domosdoshmërinë e nevojave të krijuara nga tërmeti, procesi i prokurimit vijon edhe për procedurat që zhvillohen në kuadër të procesit të rindërtimit, sipas parashikimeve të Aktit Normativ nr. 9, datë 16.12.2019, të Këshillit Ministrave, “Për përballimin e pasojave të fatkeqësisë natyrore”.

Deri më tani janë në proces tenderat për ndërtimin e 3400 banesave individuale, me njësi zbatuese FSZH dhe Bashkinë e Tiranës. Ndërsa tenderi i hapur për ndërtimin e shkollave dështoi pasi nuk pati ofertues dhe ende nuk është rihapur.

Nga ana tjetër të gjithë tenderat që nuk janë të lidhur me emergjencën e krijuar nga pandemia globale do të shtyhen për një moment të dytë, dhe ju është lënë mundësia autoriteteve kontraktore të vijojnë procesin e prokurimit për mbulimin e nevojave te dala në kuadër të situatës së shkaktuar nga pandemia COVID 19, duke përfshirë objektet e prokurimit të lidhura me ofrimin e shërbimeve për komunitetin.

Ndërkohë aktualisht në kuadër të këtij vendimi janë shtyrë dy tendera madhor të Ministrisë së Infrastrukturës, tenderi ndërkombëtarë për ndërtimin e Aeroportit të Vlorës dhe tenderi për ndërtimin e parkut Fotovoltaik në Karavasta.

Ne.k./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Dorëzoni armët, ose do groposeni me to', Erdogan paralajmëron rebelët kurdë në Siri

'Dorëzoni armët, ose do groposeni me to', Erdogan paralajmëron rebelët kurdë në Siri

25 Dhjetor, 15:50