POP 5

Lajmet më të lexuara të 5 minutave të fundit

Kultura

COVID-19/Anulohet Eurosong 2020

Festivali i këngës Evropiane është anuluar. Këtë vit Eurosong do të zhvillohej në muajin maj Roterdam të Holandës dhe Shqipërinë do ta përfaqësonte këngëtarja Arilena Ara

Festivali Europian i Këngës, që ishte parashikuar të zhvillohej në muajin maj në Roterdam të Holandës u anulua. Shkak për këtë vendim është bërë përshkallëzimi i COVID-19 në të gjithë Europën, edhe pavarësisht masave të marra nga autoritetet holandeze, zhvillimi i tij live, sikundër ishte menduar do të ishte i pamundur.

Shqipëria për këtë edicion të 65 të Eurosong përfaqësohej nga Arilena Ara me këngën “Shaj” në anglisht “Fall from the sky”.

Pyetjes nëse do të zhvillohet sivjet apo më vonë, grupet e interesit nuk i kanë dhënë ende një përgjigje konrete.“Formati unik i Festivalit Europian të Këngës si një ngjarje e drejtpërdrejtë ndërkombëtare do të thotë që nuk është e mundur të kemi ndonjë alternative reale. Prandaj nuk kemi zgjidhje tjetër përveçse të anulojmë shfaqjen”, shkruajnë në njoftimin e publikuar në faqen e Eurosong 2020.

Nëse vitin e ardhshëm situata do të ndryshojë, edhe nëse po të njëjtët artistë do të mund të jenë prezentë në festival, edhe kjo pyetje do të ketë përgjigje në një moment të dytë.

Për këtë EBU, NPO, NOS, AVROTROS dhe qyteti i Roterdamit po vazhdojnë bisedën e tyre në lidhje me mbajtjen e mundshme të Festivalit në vitin 2021. “Aktualisht është shumë herët për të diskutuar mbi specifikat në lidhje me ngjarjen vitin e ardhshëm”, shkruhet në faqen e Eurosong.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

24 Nëntor, 08:24