Në Detroit të SHBA një spital ka zhvilluar një test të shpejtë, në pak minuta, për të konstatuar infeksionin te personat e prekur nga koronavirusi, gjë që përfaqëson një pikë kthese në mundësinë e përmbajtjes së përhapjes së pandemisë.
Protokolli është duke u testuar nga Universiteti Shtetëror Wayne.
![](https://shqiptarja.com/template/img/NO_ALFA_Kuadrate shqiptarja.png)
Në shumë shtete është ushtria po bën shpërndarjen e shpejtë të pajisjeve mbrojtëse nëpër spitale, veçanërisht aty ku numri i të infektuarve është në rritje, si në Arizona, ku u raportuan 3,100 raste të koronavirusit dhe 97 vdekje brenda një dite.
Presidenti amerikan Donald Trump ftoi amerikanët të luten dhe të qëndrojnë optimistë. "Kur shikoni numrin e viktimave e kuptoni se në cilën situatë të tmerrshme ndodhemi. Por nga ana tjetër, nëse shikojmë numrin e shtretërve të përdorur shohim që ato janë zvogëluar në mënyrë të konsiderueshme, zakonisht kjo është shenja që tregon se kurba po shkon poshtë". Tha Trump.
Shtetet më të prekura nga Covi-19 në SHBA janë:
New York me 174.489 raste, New Jersey 54.588, Michigan 22.434, California 21.408, Massachusetts 20.974, Pennsylvania 20.408, Louisiana 19.253, Florida 17.968.
Në vetëm një ditë SHBA kanë regjistruar 2108 vdekje për një total prej rreth 19 mijë viktima. Në vend numërohen mbi gjysmë milioni raste të Covid-19 (më shumë se 35 mijë të prekur në 24 orët e fundit) dhe rreth 19 mijë vdekje, pothuajse aq sa Italia (18 849).
Lajmi kryesor:
Covid-19, në Itali regjistrohen 619 viktima. Mbi 100 mijë të vdekur në botë! Tragjike, në SHBA 2108 viktima në 24 orë
![](https://www.shqiptarja.com/template/img/sh_logo1.png)