POP 5

Lajmet më të lexuara të 5 minutave të fundit

Shëndeti

Bota

Covid/Dosja sekrete e Pekinit: Kina duhet të përgatitet për luftë me SHBA

Qendra Kineze e studimit paralajmëron gjithashtu se ofensiva ndaj Pekinit kërcënon të kompromentojë marrëdhëniet me Shtetet e Bashkuara dhe po sipas studiuesve, qeveria kineze duhet të përgatitet për skenarin më të keq, i cili përfshin edhe mundësinë e një përplasjeje ushtarake mes Kinës dhe SHBA

Një raport i brendshëm nga Sigurimi i Shtetit në Kinë, i përgatitur nga Instituti Kinez për Marrëdhënie Ndërkombëtare Bashkëkohore, detajet e të cilit u bënë të ditura nga agjencia Reuters, flet hapur për një valë të mundshme armiqësie ndërkombëtare ndaj Republikës Popullore të Kinës, e krahasueshme me reagimin e botës në ngjarjet e dhunshme të vitit 1989 në sheshin Tiananmen.

Qendra Kineze e studimit paralajmëron gjithashtu se ofensiva ndaj Pekinit kërcënon të kompromentojë marrëdhëniet me Shtetet e Bashkuara dhe po sipas studiuesve, qeveria kineze duhet të përgatitet për skenarin më të keq, i cili përfshin edhe mundësinë e një përplasjeje ushtarake mes Kinës dhe SHBA.

Kina është gjithnjë e më po bëhet e shënjestruar nga Perëndimi për ngadalësinë dhe fshehjen që mendohet se ajo i bëri pandemisë nga koronavirusi.

Pekini zyrtar ka reaguar me vendosmëri, duke i quajtur "të çmendura dhe evazive" akuzat e ndërmarra së fundmi nga sekretari amerikan i shtetit Mike Pompeo, i cili për të disatën herë ka përsëritur refrenin e presidentit amerikan Donald Trump se koronavirusi ka dalë nga një laborator në Wuhan, epiqendra e epidemisë në Kinë

Ndërkohë edhe Administrata Amerikane po vazhdon gjithashtu të jetë shumë e ashpër. Mark Esper, kreu i Pentagonit, ka akuzuar Pekinin se i ka bërë presion disa vendeve për instalimin e rrjeteve telematike të Huawei me qëllime dashakeqe. Kompanitë kineze, sipas tij, duan të përdorin pandeminë për t'u zgjeruar në sektorë strategjikë duke krijuar përçarje në Perëndim dhe duke u përgatitur të përdorin sisteme elektronike të cenueshme si një mjet spiunazhi dhe manipulimi.

Presionit të SHBA i është bashkuar edhe Ben Wallace, Sekretar i Mbrojtjes së Mbretërisë së Bashkuar i cili deklaroi se "Kinezët kanë shumë pyetje për t'iu përgjigjur për shpejtësinë me të cilën ata informuan botën për krizën nga Covid-19".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13