Në një status në rrjetin social Facebook, grupi premton se do të shkulin themelet e vendit ku dikur bëheshin mbledhjen e Byrosë me muzikën e tyre Rock.
"Crossbones" do të çelë natën e parë të festivalit Bunk'Rock më 22 dhjetor ora 21:00.
“Është e sigurt që për 50 vjet, Bunkerit Anti-Bërthamor të Byrosë së PPSH-së ia kanë fshirë pluhurat çdo ditë.
Ne po mendonim ta shkundnim një herë nga themelet…me muzikë…
Që do luanim brenda një prej sekreteve më të errta të ish-sistemit, nuk na e kish marrë mendja kurrë.
Ju presim atje ku zhvilloheshin mbledhjet e Byrosë, por këtë rradhë mblidhemi për rock.
A jeni gati??? A jeni gjallë???" shkruhet në profilin e grupit "Crossbones".
(Njoftimi për Bunk'Rock në Bunk'Art 1)
Redaksia Online
(B.K/Shqiptarja.com)