Çuditë e listës së zezë/Qytetari
dixhital tani i shkruan dhe Ramës

Pas Sali Berishës, ‘qytetari dixhital’ ka nisur t’i shkruajë edhe Edi Ramës. Madje, bazuar mbi ‘qytetarin dixhital’, kryeministri Edi Rama do të nisë një nga reformat më të rëndësishme, që do të shënjojë mandatin e qeverisë ‘Rama 2’, atë në administratën publike. Bazuar mbi 3 mijë denoncime anonime, kryeministri Edi Rama ka publikuar dje përmbledhjen e parë të raportit, i cili është vënë në dispozicion grupit të punës për reformimin rrënjësor të rrjetit të zyrave të shtetit.

Raporti ka identifikuar 100 zyrtarët e parë, të cilët sipas raportimeve të qytetarëve anonimë dhe të inatosur, kanë abuzuar në zyrat e shtetit shqiptar. Sipas raportit të publikuar nga kryeministri Rama, 70 zyrtarë i përkasin qeverisjes vendore dhe qendrore, ndërsa 30 sistemit të drejtësisë, të cilët janë prokurorë, gjyqtarë, avokatë dhe përmbarues. Ndër emrat e denoncuar të gjyqtarëve janë Agim Bendo Gjykata e Apelit Tiranë, Majlinda Andrea Gjyqtare e dënuar për korrupsion, Arben Vrioni Gjykata Elbasan, por edhe prokurorët Sokol Malaj dhe shumë të tjerë.

Ndërsa janë denoncuar edhe tre punonjës të përmbarimit të zyrës ‘STAR’ Jorsida Dervishi, Alketa Tanushi dhe Ardenis Çullhaj. Po ashtu janë denoncuar drejtorë shkollash, drejtorë të bujqësisë, doganierë, punonjës bashkish, këshilltarë etj. Nga përmbledhja e parë e denoncimeve dalin në pah edhe institucionet më problematike, që duhet t’i nënshtrohen me urgjencë reformimit të thellë.

Lista kryesohet nga bashkitë me 111 raste, hipotekat me 98 raste, shëndetësia me 78 denoncime, arsimi me 58 raste ALUIZNI me 54 raste, policia me 48 raste etj. Ndërsa 181 rastet e tjera ndahen mes AKU, doganave, drejtorive të bujqësisë, tatimeve, postës, burgjeve dhe drejtorive të transporteve, për padrejtësi në punësim apo pushim nga puna. 

Publikimi i listës
Bazuar në mbi 3 mijë denoncime online, kryeministri Edi Rama ka publikuar një raport në faqen e tij në Facebook me 100 zyrtarët që kanë abuzuar në administratën e shtetit.
 
Sipas tij, 70 zyrtarë i përkasin qeverisjes vendore e qendrore, ndërsa 30 sistemit të drejtësisë.
 
“Në të gjitha komentet e referuara në postim u numëruan 100 emra/poste konkrete zyrtarësh të përmendur si përgjegjës për ushtrimin e këtyre praktikave negative nga të cilat 70 i përkasin qeverisjes vendore e qendrore, ndërsa 30 sistemit të drejtësisë” shprehet Rama. 

Përsa i përket qeverisjes vendore e qendrore denoncimet janë për OSHEE, KEMP-in, Policinë, Arsimin, ALUIZNI-n, Shëndetësinë, Hipotekat, bashkitë, AKU, Doganat, Drejtoritë e bujqësisë, Tatimet, Posta, Burgjet, Drejtoritë e Transporteve.
 
Në listën e denoncimeve janë edhe Drejtori Policia Bashkiake Tirane së bashku me Zv/Drejtorin e këtij institucioni. Kryeministri thotë se Raporti i është vënë në dispozicion Grupit të Punës për reformimin rrënjësor të rrjetit të zyrave të shtetit. 

Në listën e zezë edhe doktori i njohur Mentor Petrela
Pjesë e listës së publikuar nga kreu i qeverisë është edhe emri i mjekut të njohur, Mentor Petrela.
 
Profesor Mentor Petrela është Shefi i Neurokirurgjisë në qendrën spitalore universitare “Nënë Tereza”, ndërsa u zgjodh në 2014 ndër 100 neurokirurgët më të mirë të botë.
 
Neurokirurgu  është denoncuar nga qytetarët dhe ishte pjesë e listës me 100 zyrtarët në administratë dhe sistemin e drejtësisë që kanë abuzuar.

Në “listën e zezë” të Ramës dy kandidatë për deputetë të LSI
Në këtë listë janë edhe dy kandidatë për deputet të Lëvizjes Socialiste për Integrim, në zgjedhjet e 25 qershorit.
 
Flamur Gjuzi ishte i treti në listën e LSI-së në Durrës, por nuk arriti të fitonte. Gjuzi ka qenë kreu i ALUIZNI-t prej vitit 2013 deri në vitin 2017.
 
Ndërsa Ediola Braha ishte e dyta në listën Gjirokastrës, por edhe ajo nuk arriti qw tw fitonte.
 
U bë drejtor javën e kaluar, sot i del emri te 'lista e zezë'
Mes 100 emrave të denoncuar është një rast i çuditshëm në Koplik.
 
Drejtori i Ujësjellësit të Koplikut u emërua javën e kaluar, ditën e premte, por ka dalë në Listën e Zezë të kryeministrit vetëm pas 5 ditësh në krye të detyrës.
 
Lekë Prela ka vetëm 5 ditë që është emërua në krye të Ujësjellës-Kanalizime Koplik.

Prokurorë e gjyqtarë, Rama: Ja 30 përgjegjësit e drejtësisë
Nga 100 emrat e denoncuar, 30 prej tyre sipas raportit të kryeministrit janë nga radhët e sistemit gjyqësor, prokurorë, gjyqtarë, avokatë dhe përmbarues.
 
Ndër emrat e denoncuar të gjyqtarëve janë Agim Bendo Gjykata e Apelit Tiranë, Majlinda Andrea Gjyqtare e dënuar për korrupsion, Arben Vrioni Gjykata Elbasan, por edhe prokurorët Sokol Malaj, Julian Zonja dhe shumë të tjerë.
 
Ndërsa janë denoncuar edhe tre punonjës të përmbarimit të zyrës ‘STAR’ Jorsida Dervishi, Alketa Tanushi dhe Ardenis Cullhaj.

RAPORT PËR JU
Më poshtë keni përmbledhjen e raportit që i është vënë në dispozicion Grupit të Punës për reformimin rrënjësor të rrjetit të zyrave të shtetit.  😊  🤗

Kjo përmbledhje, ashtu si vetë raporti, është bërë nga Skuadra e Shënimeve, pas leximit dhe kategorizimit në dosje të veçanta të të gjithë komenteve Tuaja në postimin me titull: EKSPERIENCA JUAJ NEGATIVE

Statistika të postit për Eksperiencat negative në Administratë:

Në rreth 3 mijë komente, duke përjashtuar kthimet e përgjigjeve mes komentuesve, komentet e përsëritura apo postimet reklamuese, të vlefshme për kategorizim dhe analizë ishin rreth 2068 komente nga të cilat:

310 JO-ADMINISTRATË: Grup komentesh që nuk lidheshin as me administratën qendrore dhe as me atë vendore, por me sistemin e drejtësisë në masen 98% dhe pjesa tjetër me kushtet e punës në sektorin privat. Në akuzat e ngritura për sistemin e drejtësisë mbizotëronte masivisht problemi i tjetërsimit të pronës, zvarritjeve me vite i çështjeve apo dhe mos-ekzekutimi i vendimeve.

702 PERCEPTIME: Grup komentesh që shprehnin një opinion pa iu referuar një përvoje konkrete personale, apo edhe thjesht të dëgjuar. Në këto perceptime 166 janë pozitive për këtë nisme dhe e mbështesin edhe në ato raste kur shprehet skepticizëm nëse kjo hapësirë për denoncime në FB do e zgjidhë situatën. 235 komentues perceptonin që praktikat negative ekzistojnë në përgjithësi në të gjitha nivelet e administratës ndërsa 301 të tjerë e shprehnin perceptimin e tyre duke vënë gishtin tek disa institucione si më të ‘spikaturat’ ku më shpesh përmenden Hipotekat, Aluzini, Shëndetësia, Arsimi, OSHEE, Policia, dhe Punësimi pa meritë në administratën publike.

343 SUGJERIME: Grup komentesh që nuk shprehin asnjë eksperiencë personale negative por ofrojnë mendimin e tyre lidhur me prioritetet e qeverisjes ku mbizotëron mbështetja për një reformë rrënjësore të administratës ku bashkë me rekrutimin e njerëzve të rinj, të aftë e profesionistë duhen të vendosen paralelisht mekanizma të fortë kontrolli dhe masa të rrepta ndëshkuese. Vendin e dytë e mbajnë sugjerimet për të vijuar me reformën e drejtësisë si e vetmja zgjidhje për të luftuar korrupsionin e për ti dhënë fund pandëshkueshmërisë së praktikave të këqia në të gjitha nivelet e qeverisjes. Një numër modest komentuesish, rreth 20, sugjeronin ofrimin e një platforme anonime për të denoncuar me emra e fakte konkrete.

713 EKSPERIENCA: Grup komentesh që sillnin një rast konkret përballjeje negative me administratën qendrore e vendore, në nivel personal dhe në nivel njohjeje të një rasti të tillë nga një i afërm apo i njohuri i tyre. Nga këto:

*Bashkitë - 111 raste denoncojnë praktika të keqia në nivel vendor ku vendin e parë e zë shërbimi jashtëzakonisht i dobët në sportelet e gjendjes civile, i ndjekur nga lejet abuzive për ndërtime dhe zvarritja e dosjeve për një leje ndërtimi

*Hipotekat - 98 raste të referuara për korrupsion, padrejtësi, abuzim me pronat, lëshimin e vërtetimeve dhe zvarritjet në dyert e ZRPP-ve

*Shendetesia -78 denoncime te korrupsionit te mjekeve, infermiereve, mungeses se medikamenteve dhe neglizhences apo keqtrajtimit ne dyert e spitaleve apo qendrave shendetesore

*Arsimi -58 raste te lidhura me nivelin e përgatitjes së mësuesve; pushime të padrejta nga puna; transferime abuzive dhe punësime pa meritë.

*ALUIZNI -54 raste që denoncojnë vonesa të qëllimshme të lejeve të legalizimeve; bashkëpunim të punonjësve të ALUIZNI-t me ata të ZRPP për tjetërsim pronash dhe trajtimi i aplikuesve në varësi të pagesës.

*Policia – 48 raste të gjobitjeve padrejtësisht, të komunikimit aspak etik me qytetarët dhe të mos-reagimit në kohë për t’iu ardhur në mbrojtje qytetarëve të gjendur në një rrezik të caktuar.

*KEMP - 44 raste denoncojnë abuzimet në miratimin e KEMP dhe peripecitë e mëdha që këta persona në vështirësi duhet të kalojnë për ta përfituar këtë mbështetje. Një numër i lartë komentuesisht tërheqin vëmendjen për procedurat duke e quajtur të tepërt që një person me invaliditet të pakthyeshëm duhet të paraqitet periodikisht para komisionit për të vijuar me përfitimin e KEMP.

*OSHEE – 41 raste të lidhura me mbifaturim, faturim aforfe apo neglizhencë në përkujdesin ndaj klientit.

181 rastet e tjera ndahen mes AKU, Doganave, Drejtorive të bujqësisë, Tatimeve, Postës, Burgjeve, Drejtorive të Transporteve dhe grupimit të akuzave për padrejtësi në punësim apo pushim nga puna.

Në të gjitha komentet e referuara në postim u numëruan 100 emra/poste konkrete zyrtarësh të përmendur si përgjegjës për ushtrimin e këtyre praktikave negative nga të cilat 70 i përkasin qeverisjes vendore e qendrore, ndërsa 30 sistemit të drejtësisë.

Qeverisja:
1. Mirvjena Shema ALUIZNI
2. Toni, Shef sektori ALUIZNI 
3. Flamur Gjuzi ALUIZNI Durres
4. Drejtori ALUIZNI Elbasan
5. Fatmir Ejupi Bashkia Durres
6. Kasem Canaj Bashkia Vlore
7. Fatmir Llanaj Bashkia Vlore
8. Xhevit Dermyshi DAR Gramsh 
9. Ramadan Bici DAR Gramsh 
10. Shyqyri Pole DAR Gramsh 
11. Drejtori DAR Korce
12. Drejtoresha Metani DAR Tirana
13. Sokol Alia Dogana Durres
14. Ylber Karanxha Dogana Durres
15. Artan Sulejmani Dogana Durres
16. Lulezime Dogana Kakavije
17. E.H Dogana Koliposta Kinostudio
18. Andi Xhafa Dogana Tirane
19. Nue Marash Drejtor Bujqesie Kurbin
20. Ilirjan Muho Drejtor ZRPP
21. Lionel Elezaj Drejtoria Bujqesise Berat
22. Fatjon Fana Drejtoria e Burgjeve
23. Gaz Tahiri Drejtoria Pergjithshme Detare
24. Lindita Tako Drejtoria Verifikimi i Titujve te Pronesise Tirane
25. Perin Vogli DSHP Lushnje
26. Drita Lala DSHP Mat
27. Avni Sulaj Gjimnazi Tepelene
28. Ani Dermishi Hipoteka Durres
29. Sonila Stojko Hipoteka Elbasan 
30. Rezart Elmazi Hipoteka Vlore
31. Artur Cela Inspektoriati Ndertimor Durres
32. Neritan Gjodeshi ish drejtor UKT
33. Arsen Sinamataj Ish shef i Policise Rrugore
34. Ilir Bajlozi ish-drejtor ISSH Korce
35. Astrit Hado ISSH
36. Resul Llogo Kelcyre
37. Mimoza Lezha KEMP komisioni Lezhe
38. Artan Doda KEMP komisioni Lezhe
39. Alfred Mullaraj Keshilli qarkut Durres
40. Marilda Hysa Komisariati nr 6 Tirane
41. Jonajda Doci Konvikti i Vajzave Elbasan
42. Kryeprokurori Korce
43. Drejtoresha e Shkolles Pojan Korce
44. Brunilda Gjordeni Lushnje
45. Vojo Bregu Ministria e Bujqesise
46. Josif Dena Mjek Berat
47. Roel Zoga Mjek Fier
48. Iliriana Agolli Mjeke Paskuqan
49. Mentor Petrela Neurokirurgjia
50. Drejtori Policia Bashkiake Tirane
51. Zv/Drejtori Policia Bashkiake Tirane
52. Mimoza Ibrahimi Policia e Shtetit
53. Drejtori siguracioneve Porti I Vlores
54. Flora Hoxha QSH njesia 7
55. Ardit Lame QSUT
56. Drejtori shkolles Shkolla "Halit Berzeshta” Perrenjas
57. Vjollca Jahaj Shkolla speciale "3 Dhjetori” Shkoder
58. Fabiola Haxhiaj Spitali Memaliaj
59. Ediola Braha Spitali Tepelene
60. Erjon Neurolog Spitali Vlore
61. Bruna Mersini Spitali Vlore
62. Marsid Hoxha Tatimet Gjirokaster
63. Leke Prela UK Koplik
64. Drejtori Juridik UKT
65. Drejtori I shitjeve UKT
66. Edlira Caca Urgjenca Memaliaj
67. Drejtoresha e Shkolles “Muco Delo” Vlore
68. Ermioni Cekani ZA Kamez
69. Astrit Dervishi ZVRPP Lushnje
70. Jaho Brahimin Zyra e Sigurimeve Shoqerore Gjirokaster

Sistemi i Drejtësisë
1. Altin Avdiu Gjykates
2. Tereza Lani Gjykates
3. Migena Laska Gjykates
4. Majlinda Demollari Avokate
5. Ardian Dauti Avokate
6. Artur Sulçe Ekspert ne Gjykate 
7. Agim Bendo Gjykata e Apelit Tirane 
8. Shkelqim Miri Gjykata e Apelit Tirane 
9. Fatos Qato Gjykata e Apelit Tirane 
10. Arben Vrioni Gjykata Elbasan
11. Gentiana Muco Gjykates
12. Rilinda Selimi Gjykates
13. Gilda Hoxha Gjykatese Bulqize
14. Majlinda Andrea Gjyqtare 
15. Esmerilda Habil Gjyqtare Vlore 
16. Napolon Vasha Noter
17. Luljeta Cenaj Notere
18. Shkelqim Gjoka Policia Gjyqesore Bulqize
19. Dritan Marku Prokuror
20. Arjan Ndoi Prokuror
21. Sokol Malaj Prokuror
22. Hysni Vata Prokuror Bulqize
23. Hektor Hushi Prokuror Elbasan
24. Tomorr Kullolli Prokuror Elbasan
25. Arjan Mucaj Prokuror Gjirokaster
26. Julian Zonja Prokuror Tirane
27. Aleks Hajdari Punet e Brendshme
28. Jorsida Dervishi Zyra permbarimore STAR
29. Alketa Tanushi Zyra permbarimore STAR
30. Ardenis Cullhaj Zyra permbarimore STAR

dy.b/shqiptarja.com

/Shqiptarja.com